Լապշինը եւ երեւանյան մարմնավաճառները

7 ամիս Ադրբեջանում դատապարտված ՌԴ եւ  Իսարյելի քաղաքացի, հայտնի բլոգեր ԱԼԵՔՍԱՆԴՐ ԼԱՊՇԻՆԸ գրում է. «Թերթելով լրահոսն այսօր հայտնաբերեցի հետաքրքիր հոդված մարմնավաճառությունը Երեւանում թեմայով: Ընդ որում` ռուսական կայքում, ինչն անսովոր էր, որովհետեւ խոշոր ռուսական ԶԼՄ-ներում հազվադեպ են քննարկում այլ պետությունների այդպիսի նուրբ հարցեր: Ինչեւէ, հիմա ուղղակի կպատմեմ իմ անձնական փորձի մասին, բայց ոչ թե երեւանյան մարմնավաճառների հետ, այլ ընդհանրապես այդ ոլորտի վերաբերյալ, որի հետ պատահաբար բախվեցի Հայաստան այցելության ժամանակ»:

Հայտնի բլոգերը պատմում է, որ Հայաստան այցելության ընթացքում սովորաբար մեքենա էր վարձում հենց օդանավակայանում, շրջում էր երկրում եւ վերջում մեքենան հանձնում ու հեռանում. «Ինչպես գիտեք, Երեւանից մեկնումները սովորաբար հիմար ժամի են լինում, ասենք, առավոտյան ժամը` 04:00-05:00-ին: Եվ դրա համար փորձում էի գիշերել օդանավակայանի մոտակայքում, որպեսզի արագ տաքսի կարողանայի վերցնեի եւ մի 5 րոպեից լինեի գրանցման կետում: Չգիտեմ` հիմա իրավիճակն ինչպես է, բայց նախորդ տարիներին օդանավակայանի մոտակայքի բոլոր հյուրանոցները… բորդելներ էին մարմնավաճառներով եւ խաղատներով: Բայց ախր ես այդ մասին չգիտեի»:

Մանրամասնելով իր հետ տեղի ունեցածը` Լապշինը նշում է. «Թվում էր, կարծես, հարմար տեղ էր` օդանավակայանին մոտ էր, պսպղում էր գույներով ու մաքուր էր: Մտնում եմ եւ զգում, որ ինչ-որ բան այն չէ: Բայց չեմ հասկանում, թե ինչը: Ներսում շատ գեղեցիկ աղջիկներ նայում են այնպես, կարծես, պատրաստ են հենց այդ րոպեին տրվել քեզ: Հետո հայացքը թեքում են իմ ուղեկցուհու վրա, որը լրիվ համապատասխանում է իրենց կանոններին: Համապատասխանել ասելով` նկատի ունեմ այն, որ բոլորովին միանձնուհու տեսք չունի, բայց դաստիարակված աղջիկ է, ընդհանրապես ես անդաստիարակների հետ չեմ շրջագայում: Հետո ես հասկացա, որ հայացքը ինչպես «ծոծյաների», այնպես էլ աղջիկների, նշանակում էր. «Բայց ինչո՞ւ ես քո «ինքնաեռը» քաշ տվել մեր ազնիվ աղջիկների կենտրոն»: Հասկանալով, որ մենք պարզապես ուզում ենք գիշերել, սկսեցին անմարդկային գներ ասել, չէ որ նրանց բիզնեսը ոչ թե գիշերու համար է, այլ աղջիկների: Նրանք ինչ շահ կարող էին ունենալ ` մեզ սենյակ տրամադրելով գիշերը 20 դոլլարով, եթե մեկ ժամը աղջիկա հետ արժեր 50 դոլլար, իսկ գիշերվա այդ ժամերին ոչ պակաս, քան 80: Դրա համար մեզնից խնդրեցին գիշերելու համար 100 դոլլար, եւ մենք, իհարկե, այդ գնով նրանց ուղարկեցինք գրողի ծոցը»:

Բլոգերը շեշտում է, որ այլ հյուրանոցներ էլ են գնացել եւ ամեն տեղ նույն պատկերն է եղել. «Արդյունքում ձեռքով արեցինք, մեքենան հանձնեցինք եւ քնեցինք օդանավակայանում` գետնի վրա` մեր տակը գցելով մեր շորերը: Իհարկե, նորմալ քուններս չառանք, բայց գոնե մեղք չգործեցինք»:

ՀՐԱՆՏ ՍԱՐԱՖՅԱՆ

Այս թեմայով Ալեքսանդր Սպենդիարյանի 155-ամյակին ծաղիկներ են խոնարհել կոմպոզիտորի շիրիմին Նոյեմբերի 2-7-ը «Զվարթնոց»-ում կգործեն չվերթերի իրականացման ժամային սահմանափակումներ Բլոգեր «Գեորգիքսը» և «Առաջին լրատվականի» լրագրող ներկայացած անձը կասկածվում են շորթում կատարելու, շանտաժի մեջ Խոշոր չափի գողություն՝ «Զվարթնոց»-ում․ ՌԴ քաղաքացուց հափշտակել են 8000 դոլար և 50000 ռուբլիշ «Մենք մեր սերը ցույց ենք տվել այնպես, ինչպես այն կար». բլոգեր Միլենա Պետրոսյանը արձագանքել է ամուսնու մահից հետո առաջացած ատելությանը