ԷՔՍՏՐԱՍԵՆՍ. «ՄԻՆՉԵՎ ԱՊՐԻԼ ՎՏԱՆԳ, ՎԱԽԵՆԱԼՈՒ ԲԱՆԵՐ ԵՄ ՏԵՍՆՈՒՄ ՀԱՏԿԱՊԵՍ ՆԱԽԻՋԵՒԱՆԻ ՈՒՂՂՈՒԹՅԱՄԲ»

Արեւելյան աստղագուշակի համաձայն` 2019 թվականը Խոզի տարի է: Առասպելի համաձայն՝ Խոզը վերջինն էր, որ եկել էր Նոր տարվա տոնակատարությանը: Ի՞նչ է այն բերելու աստղագուշակի այլ նշանների համար, բարեհաճ կգտնվի՞ արդյոք Խոզը Հայաստան աշխարհի նկատմամբ: Հարցերը գուշակության դաշտում են, ուստիեւ՝ պատասխաններն էլ փորձեցինք ստանալ այդ «մասնագետներից»:

«ԽՈԶԸ ՉԻ ՍԻՐՈՒՄ, ՈՐ ԻՐԵՆ ՄԱՏՈՒՑԵՆ ՏՈՆԱԿԱՆ ՍԵՂԱՆԻՆ»

Էքստրասենս ՍՈՍԵ ԲԱԲԱՅԱՆԸ մեզ հետ զրույցը սկսեց դրական նոտայով.

- Շունը բավական լավ տրամադրությամբ էստաֆետը փոխանցում է խոզին: Խոզի տարվան բնորոշ է երկու ծայրահեղ վիճակ: Տեսեք, ինքը ե՛ւ շատ փնթի է, բայց միեւնույն ժամանակ ունի շատ համեղ միս: Մսի քաղցրությունը եւ փնթի լինելը` այ սրանում է կայանում նրա ծայրահեղությունը: Խոզի տարին լինելու է խելքի տարի, բավականին խելոքներ են ի հայտ գալու, բոլոր բնագավառներում լինելու են կադրային խիստ փոփոխություններ: Երկրի վիճակը մի պահ լինելու է խիստ ծայրահեղ բեւեռացված, բայց ունենալու ենք բավականին առաջընթաց: Խելոքները ստանալու են իրենց արժանին, խոզը հոգ է տանելու, որ խելոքները գնահատված ու լիարժեք զգան իրենց:

- Կենդանակերպի ո՞ր նշանների նկատմամբ բարեհաճ կգտնվի խոզը:

- Խոզի տարում Խոյը լինելու է ամենաակտիվ կենդանակերպի նշանը: Մի փոքր ընկճված կլինեն Աղեղնավորները: Խեցգետինները` տղա թե աղջիկ, ապրելու են կայունացում: Բայց ամենալավ տարին լինելու է Խոյերի համար, այս կենդանակերպի նշանը բոլորից վերցնում է, բայց ոչ ոքի չի տալիս: Խոզի տարին իր հետ բերելու է բերքատվություն: Հաշվի առնելով, որ խոզն արագ բազմացող կենդանի է, նա լիություն կպարգեւի բոլորին: Այս տարի լինելու է ամուսնությունների, ծննդաբերությունների տարի: Հատկապես այն զույգերը, ովքեր երկար տարիներ բալիկ էին սպասում, այս տարի կհասնեն իրենց երազանքին: Խոզի հովանու ներքո են լինելու քսանհինգից քառասուն տարեկան երիտասարդները, ովքեր կգտնեն իրենց կեսերին:

- Տիկին Բաբայան, ինչպե՞ս դիմավորենք Խոզի տարին, որպեսզի այն ողջ տարի բարեհաճ գտնվի մեր նկատմամբ:

- Սիրով եւ լավատեսությամբ, սա է առաջին գրավականը: Մի հանգամանք էլ կարող եմ նշել. խոզը չի սիրում, որ իրեն մատուցեն տոնական սեղանին եւ համտեսեն: Խոզը հարգանք է պահանջում իր հանդեպ, ասում է` եթե ինձ ուտեք, ես էլ ձեզ «կուտեմ»:

- Չենք կարող չանդրադառնալ նաեւ սահմանային իրավիճակին: Ի՞նչ իրավիճակ է կանխատեսվում սահմանում:

- Մինչեւ ապրիլ ամիսը վտանգ, վախենալու բաներ եմ տեսնում հատկապես  Նախիջեւանի ուղղությամբ: Ամենաշատ վտանգը սահմանային առումով այսօր առկախված է Նախիջեւանի սահմանում: Դրա համար ես գիշեր-ցերեկ աղոթում եմ հենց սահմանի համար: Օգտվելով առիթից` ուզում եմ շնորհավորել համայն հայության գալիք Ամանորը` թող ինչքան նեղություններ եղել են, մնան անցյալում: Թող գալիք տարին լինի առատության, բերքատվության տարի:

«ՔԱՂԱՔԱԿԱՆ ԴԱՇՏՈՒՄ ԴԻՄԱԿՆԵՐ ԿՊԱՏՌՎԵՆ»

Պայծառատես, էքստրասենս ԿԱՐԵՆ ԱՓՈՅԱՆՆ էլ, անդրադառնալով գալիք տարվա կանխատեսումներին, ասաց.

- Մեր երկրի ապագան լավ է լինելու: Բայց առաջիկա երեք տարին շատ լավ բաների մի սպասեք: Կլինեն ներքին ինքնակազմակերպվող խմբեր, ղեկավարության հանդեպ հավատը ավելի կվատանա, նոր փոփոխությունները չեն գոհացնի մարդկանց, արտագաղթի միտումը կշատանա: Պատերազմ չի լինի, բայց սահմանին լարվածությունը կմեծանա: Տարածաշրջանում ճգնաժամը կխորանա, Ադրբեջանն ավելի կվատանա տնտեսապես, ու ներքաղաքական ընդվզումներ, ցույցեր կլինեն: Հրդեհները կշատանան թե՛ բնական աղետներից, թե՛ մարդկային գործոնից: Նաեւ բնական աղետներ կլինեն՝ փլուզումների, ջրհեղեղների տեսքով: Տարադրամի անկում կլինի տեւական ժամանակ: Քաղաքական դաշտում դիմակներ կպատռվեն, եւ ներքին բախումները կշատանան: Այնուամենայնիվ, Հայաստանը աշխարհում կգրավի նոր դիրք՝ իր արժեքներով: Տուրիզմի աճ կնկատվի, ու ապագայում նոր հնարավորություններ կբացվեն երիտասարդների համար, նաեւ՝ գիտական ոլորտում:

ԻԼՈՆԱ ԱԶԱՐՅԱՆ

Այս թեմայով Զգույշ եղեք համակարգիչների և այլ բարդ տեխնիկայի հետ․ սեպտեմբերի 19-ի աստղագուշակ Սեպտեմբերի 14-20 շաբաթվա ֆինանսական աստղագուշակ. որ նշաններն են շահույթ ապահովելու Ու՞մ բախտը կբերի այսօր․ աստղագուշակ սեպտեմբերի 12-ի համար Աստղագուշակ սեպտեմբերի 5-ի համար Կիրակի օրը երկնքից հաջողություն կթափվի․ աստղագուշակ օգոստոսի 30-ի համար