«ԱՊՐՈՒՄ ԵՆՔ ՄԻ ԵՐԿՐՈՒՄ, ՈՐՏԵՂ, ԻՄ ՀԱՄՈԶՄԱՄԲ, ԱՐԴԵՆ ԴԻԿՏԱՏՈՒՐԱ Է»

Համացանցում լայն արձագանք է գտել Ռոբերտ Քոչարյանի փաստաբան Ռուբեն Սահակյանի ադրբեջաներեն պատասխանը «Ազատության» կայանին: Հիշեցնենք, որ լրագրողուհու անընդհատ կրկնվող հարցին, թե ե՞րբ կկալանավորվի Ռոբերտ Քոչարյանը, Ռուբեն Սահակյանը մի քանի անգամ պատասխանելով` չգիտեմ, վերջում անցավ ադրբեջաներենի. «Բիլ միրյամ», որը հայերեն թարգմանաբար նշանակում է` չգիտեմ:

Այս, ինչպես նաեւ երկրորդ նախագահի գործով Վճռաբեկ եւ ՄԻԵԴ դիմելու վերաբերյալ հարցերի շուրջ զրուցեցինք փաստաբան ՌՈՒԲԵՆ ՍԱՀԱԿՅԱՆԻ հետ, ով անդրադառնալով ներկայացվելիք բողոքներին՝ ասաց.

- Բողոքները պատրաստվում են, գործընթացը ընթացքի մեջ է:

- Իսկ ի՞նչ ակնկալիքներ ունեք Վճռաբեկ դատարանից:

- Առանց մեկնաբանության:

- Ինչո՞ւ:

- Որովհետեւ մենք ապրում ենք մի երկրում, որտեղ իմ համոզմամբ արդեն դիկտատուրա է:

- Գրավի միջնորդություն չե՞ք փորձել ներկայացնել:

- Իհարկե, միջնորդել ենք, բայց գրավ կիրառելը եւս մերժվել է:

- Պարոն Սահակյան, համացանցում շարունակվում է քննարկվել Ձեր ադրբեջաներեն պատասխանը:

- Հարցը, որը տրվում էր լրագրողի կողմից ուներ հետեւյալ բովանդակությունը` Քոչարյանին այսօր կկալանավորե՞ն, թե՝ ոչ, ե՞րբ  կկալանավորեն եւ այդպես շարունակ: Ես ասացի, որ չգիտեմ, որովհետեւ պատրաստ չի դեռեւս դատարանի որոշումը: Տաս անգամ չգիտեմ, չգիտեմ: Տեսա, որ էդ մարդը չի հասկանում հայերեն, ասի մի հատ փորձեմ ադրբեջաներեն պատասխանել: Այսինքն, այդ անձնավորությանը անհրաժեշտ էր դա: Ինչու չի գրել, որ տաս անգամ հարցրել եմ, չի պատասխանել:

- Տեղյակ չէի՞ք, թե որ  լրատվամիջոցի հարցին եք պատասխանում:

- Չէ, տեղյակ չէի, էդ ընթացքում  շատ լրագրողներ էին տարբեր հարցեր տալիս, ես հո չէի հարցնելու՝ ով որտեղից է, գեղեցիկ էլ չէր դիտվի:

Ի դեպ, ինչպես երեկ տեղեկացրեց ՀՀ երկրորդ նախագահ Ռոբերտ Քոչարյանի պաշտպանական թիմը, ՀՀ վերաքննիչ դատարանը դեռեւս չի տրամադրել Քոչարյանի նկատմամբ ընտրված խափանման միջոց կալանավորման վերաբերյալ վերաքննիչ բողոքի որոշումը, որով անփոփոխ է թողնվել Քոչարյանին կալանավորելու մասին առաջին ատյանի դատարանի որոշումը: Վերաքննիչ դատարանը որոշման օրինակը սահմանված՝ դեկտեմբերի 10-ի՝ ժամը 12:30-ի դրությամբ պաշտպանական կողմին չի տրամադրել՝ պատրաստ չլինելու պատճառաբանությամբ: Քոչարյանի պաշտպանների գնահատմամբ՝ դա նպատակ է հետապնդում խոչընդոտել Մարդու իրավունքների եվրոպական դատարան հնարավորինս շուտ պաշտպանների դիմելը:

ԻԼՈՆԱ ԱԶԱՐՅԱՆ

Այս թեմայով Իշխանության հաբրգելու դեմն առնելու միակ ձևը ԵՄ կառույցների կողմից արձագանքն է, որը չկա. Լեվոն Քոչարյան Փաշինյանը բարդույթ ունի մեր ընտանիքից. Լեվոն Քոչարյան Ռուսաստանի հետ բարեկամությունը՝ խոսքո՞վ, թե՞ գործով ՔԱՌՕՐՅԱ ՊԱՏԵՐԱԶՄԻ ՄԱՍՆԱԿՐՑ, ՄԱՐԶԻՉ ՍՄԲԱՏ ՍԱՀԱԿՅԱՆԻՆ ՍՊԱՌՆՈՒՄ ԵՆ ԱԶԱՏՄԱՆ ԴԻՄՈՒՄ ԳՐԵԼ Մահացել է 44 օրյա պատերազմի մասնակից Ռոբերտ Հակոբյանը