New York Times, Guardian, Al Jazeera. Միջազգային մամուլը գրում է պատանդ պահվող բժիշկների մասին

«Ընդդիմությանը հարող զինյալները, ովքեր շարունակում են առճակատման մեջ մնալ ոստիկանության հետ Երևանում, պատանդ են վերցրել չորս բժիշկների: Դրանից առաջ տեղի ունեցած կրակոցների հետևանքով հինգ մարդ վիրավորվել էր», - այս մասին գրում է բրիտանական The Guardian-ը՝ փոխանցելով Երևանի Էրեբունի վարչական շրջանի ՊՊԾ գնդում հուլիսի 17-ից շարունակվող ճգնաժամի մանրամասները:

«Երկու բժիշկները և երկու բուժքույրերը պատանդի կարգավիճակում են պահվում այն բանից հետո, երբ նրանք մուտք էին գործել ՊՊԾ տարածք՝ այնտեղ գտնվող երկու վիրավորներին օգնություն ցույց տալու համար», - գրում է պարբերականը:

Al Jazeera-ն մեջբերում է ՀՀ Ոստիկանության հասարակայնության հետ կապերի և լրատվության վարչության պետ Աշոտ Ահարոնյանին, ով ասել է, որ «ոստիկանությունը միջոցներ է ձեռք առնում բանակցությունների միջոցով բժիշկներին պատանդությունից ազատ արձակելու համար»:

New York Times-ը մեջբերում է ՀՀ Առողջապահության նախարարության հայտարարությունը, համաձայն որի նախօրեին պատանդված բժիշկներից մեկին զինյալները բաց էին թողել:

Թերթը հիշեցնում է, որ նախօրեին տեղի ունեցած փոխհրաձգության արդյունքում երկու զինյալներ հանձնվել էին, ևս երկուսը և մեկ ոստիկան վիրավորվել էին և տեղափոխվել հիվանդանոց: 20-ից ավելի զինյալներ դեռ շարունակում են պատսպարված մնալ ՊՊԾ գնդի տարածքում:

Այս թեմայով Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Փաշինյանը նպատակ ունի կտրել թաղման նպաստները Հուսիթները խոցել են Էր-Ռիադի միջազգային օդանավակայանի վառելիքի բազան ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել ԱՄՆ-ն սպառում է հրթիռները. Bloomberg