Բելգիայի Օօստենդ քաղաքում հայկական խաչքար է տեղադրվել (տեսանյութ)

Օրերս Բելգիայի Օօստենդ քաղաքում տեղի ունեցավ հայկական Խաչքարի օրհնության և օծման արարողություն։Բացման արարողությանը մասնակցում էին Բելգիայի Օօստենդ քաղաքի քաղաքապետը, քաղաքապետարանի աշխատակիցները, Բելգիայի Թագավորությունում Հայաստանի Հանրապետության դեսպանատան ներկայացուցիչներ եւՀայ առաքելական եկեղեցու Բելգիայի թեմի ներկայացուցիչ հոգեշնորհ տեր Զատիկ վարդապետ Ավետիքյանը: Միջոցառմանը ներկա էին ոչ միայն տեղի հայությունը, այլեւ բազմաթիվ հյուրեր սփյուռքից։

Խաչքարի բացման պատիվը տրված էր քաղաքապետ Յոհան Վան Դե Լանոտտին, ով կարևորեց հայկական խաչքարի տեղադրումն Օօստենդում ՝ ընդգծելով դրա խորհուրդը, գեղագիտական արժեքը, հայ-Բելգիական բարեկամության ևս մեկ օրինակ հանդիսանալը: Խաչքարը օծեց և ներկաներին ոգեկոչման կոչ հղեց Հայ առաքելական եկեղեցու Բելգիայի թեմի ներկայացուցիչ հոգեշնորհ տեր Զատիկ վարդապետ Ավետիքյանը:

«Բարի ավանդույթներով հարուստ, մեր աչքերի առջև օրեցօր ծաղկող, էլ ավելի բարեկարգ ու գեղեցիկ դարձող Օօստենդ քաղաքում այսօր կարևոր ու հիշարժան իրադարձություն է: Մենք դառնում ենք Օօստենդի քաղաքապետարանի աշխատակազմի, անձամբ Օօստենդի քաղաքապետ Յոհան Վան Դե Լանոտտի՝ ազգային փոքրամասնությունների, այդ թվում՝ հայերի նկատմամբ ցուցաբերվող ուշադրության ու հոգատարության կենդանի վկաներն ու ականատեսները: Տեղի է ունենում հայ ժողովրդի հավերժությունը խորհրդանշող խաչքարի բացման հանդիսավոր արարողություն: Այս տուֆակերտ, հրաշակերտ խաչքարը բոլորինս է՝ Օօստենդում և շրջակա բնակավայրերում ապրող բոլոր հայերինը: Ուրեմն, թող այս խաչքարը դառնա մեր բոլոր հայերի սրբավայրն ու ուխտավայրը: ՈՒ թող հենց այստեղ սկսվեն ու ավարտվեն մեր ազգային ծեսերն ու ավանդույթները՝ դառնալով հայապահպանության շնորհալի գործի իրականացման խոսուն վկաները»,-նշեց Զատիկ վարդապետ Ավետիքյանը

Հ.Գ. Խաչքարը` հայ ազգի, նրա պատմության և կրոնի ամենահայտնի կերպարն է և ամենաճանաչված խորհրդանիշը: Դարեր ի վեր, առ այսօր խաչքարը հանդիսանում է ոչ միայն հայկական արվեստի հուշարձան, այլ նաև ազգի ոգու արտահայտություն: Հազարավոր տարիներ խաչքարերը տեղադրվել են պատմական և մշակութային նշանակալի իրադարձությունների պատվին: Արվեստի այս կոթողները կրում են հայ ժողովրդի ոգին ու հիշողությունը, հարուստ պատմությունը և մշակույթը:

ԼՅՈՒԲԱ ՀԱՐՈՒԹՅՈՒՆՅԱՆ

Բելգիա՝ Օօստենդ

Այս թեմայով Հայկական խոհանոցի համն ու հոտը՝ ազգային մշակույթով համեմված. Համով զրույց լեգենդի հետ Հարցվածների 59%-ը նշել է՝ Տիգրանաշենը հայկական է, իշխանությունն իրավունք չունի փոխանցել Ադրբեջանին ՇՏԱՊ. Հակակոռուպցիոն կոմիտեն մտավ Աբովյանի համայնքապետարան. Բաբայան Էդոյի գործը «բուրդ է» Հայկական Շվեյցարիա, որը նոր շունչ ստացավ երիտասարդ համայնքապետի շնորհիվ Բրյուսելի հայտնի խորհրդանիշ «Մաննեկեն Պիսը» ՀՀ Անկախության օրը ներկայացել է հայկական տարազով