Ֆրանկոֆոն գալա-համերգի ավարտական մասը նվիրված է լինելու Շառլ Ազնավուրին. Հայաստան կժամանի Զազը

Հոկտեմբերի 11-ին՝ ժամը 19։30-ին, Հանրապետութան հրապարակում նախատեսված գալա-համերգի ավարտական մասը նվիրված է լինելու Շառլ Ազնավուրին, այսօր լրագրողների հետ հանդիպմանն ասաց ՀՀ ԱԳՆ գլխավոր քարտուղար, ՖՄԿ գագաթաժողովի անցկացման արտգործնախարարության աշխատանքային հանձնախմբի ղեկավար Վահագն Մելիքյանը:

Նա նշեց, որ ուղիղ կապի մեջ են Ելիսեյան պատալի հետ։

«Կան որոշակի  առաջարկներ, որոնք դեռևս քննարկման փուլում են գտնվում, ես չեմ բացառում, որ կլինեն աշխարհահռչակ աստղեր, որոնք կցանկանան իրենց մասնակցությունը բերել», - ասաց նա։

Մելիքյանը նշեց, որ համերգին կլինեն աշխարհահռչակ երգիչներ՝ այդ թվում՝ Անժելիկա Կիժոն, Մելոդի Գարդոն։

«Անշուշտ, Զազը պետք է ժամանի Ֆրանսիայից», - ասաց նա։

Մելիքյանը շեշտեց՝ ամեն ինչ կարվի, որ Շառլ Ազնավուրի բացակայությունը որևէ կերպ չզգացվի։

Ավելի վաղ հաղորդել էինք, որ Ֆրանկոֆոնիայի շրջանակում նախատեսված էր, որ Հայաստանում կլինի նաև Շառլ Ազնավուրը:

Այս թեմայով Հրատապ. Նրա ազատությունը սարերի հետեւում չէ. Հայտնի փաստաբանի հայտարարությունը Ի՞նչ է «ակնարկում» Չեխիայի դեսպանն իր կարմիր վարդով Նիկոլի ռեպրեսիաների խորապատկերում՝ համախմբման նոր փորձ Ինչպես քոչարյանականները խաբեցին ընտրազանգվածին Որ ուժերն են մասնակցում Կարապետյանի տան հավաքին