Տեր-Պետրոսյանին իշխանության բերելով հաճոյանալու ենք Ադրբեջանին. Արամ Սարգսյան

Մամուլում լուրեր են շրջանառվում, որ ՀՀ վարչապետ Նիկոլ Փաշինյանը հնարավոր է առաջիկայում ՀՀ նախագահ նշանակի Լեւոն Տեր-Պետրոսյանին, ով կփոխարինի ներկայիս նախագահ Արմեն Սարգսյանին:
Հայաստանի դեմոկրատական կուսակցության նախագահ ԱՐԱՄ ՍԱՐԳՍՅԱՆՆ նադրադառնալով այս լուրերին, փաստեց, որ ՀՀ նախագահն ընտրվել է 7 տարով եւ նրան պաշտոնանակ անելու համար պետք է վերջինս ինչ-որ անթույլատրելի արարք իրականացնի. «Այսպիսի տրամադրություն Արմեն Սարգսյանի մոտ չեմ նկատում: Արմեն Սարգսյանն այն անձը չէ, որը հեշտությամբ կարող է ենթարկվել, քանի որ ինչ-որ մեկն այդպես է ցանկանում: Եթե այդպիսի քայլի գնան իշխանությունները, ապա մեզ մոտ կլինեն շատ սուր իրավիճակներ, իսկապես կմոռանանք համերաշխությունը»,-նշեց Ա. Սարգսյանը:

 Նրա խոսքով` բոլորն էլ լավ գիտեն, թե Տեր-Պետրոսյանը ինչպես էր ուզում լուծել Արցախի հարցը. «Տարիներ շարունակ ամեն ինչա արել ենք, որ հարցի կարգավորումը լիներ հօգուտ մեզ, իսկ Տեր-Պետրոսյանը հման հնարավորություններից հրաժարվել է: Չեմ ուզում անդրադառնալ 90-ականներին, բայց նրանից հարցրեք, թե ով է հանձնել Շահումյանը: Նույնը եղավ նաեւ 1997 թվականին, երբ նա գրեց «Պատերազմ, թե խաղաղություն» տխրահռչակ հոդվածը, այժմ ի՞նչ է առաջարկում: Ի՞նչ է, ՀԱԿ անդամ Զոյա Թադեւոսյանն ինքնագլուխ հայտարարեց «գրավյալ տարածքների» մասին, այն դեպքում, երբ վերջինս Տեր-Պետրոսյանի մտերիմն է»,-շեշտեց Ա. Սարգսյանը եւ հավելեց, որ շատ կզայրանա, եթե այսօրվա իշխանությունը Տեր-Պետրոսյանին նորից իշխանության բերելու փորձեր անեն: Ըստ նրա, հակառակ դեպքում կհաճոյանան Ադրբեջանին, քանի որ Արցախի բանակցությունների ժամանակ ադրբեջանցիները ափսոսում էին, որ բանակցություններին նա չի մասնակցում.«Ադրբեջանցիներն այժմ էլ են երազում, որ Տեր-Պետրոսյանը վերադառնա, որովհետեւ շատ լավ գիտեն, թե ինչ ճանապարհով է ցանկանալու կարգավորել Արցախի հարցը»,-ընդգծեց Ա. Սարգսյանը:

ԶՎԱՐԹ ԽԱՉԱՏՐՅԱՆ

Այս թեմայով Հայաստանի իշխանությունը ներկայացնողները դավաճանել են մի բուռ հայ ժողովրդին ու մտադիր են ոչնչացնել նրան ՔՊ-ի կեղտոտ սպիտակեղենը փռել են արեւին Հայկ Սարգսյանն ասեց՝ պապայի ընկերն ա, կարա՞ գա. Սիմոնյանը մանրամասներ է պատմում քրեական հեղինակության հետ հանդիպումից Արդարադատությունը քնում է, բայց չի մահանում․ ԸՆԿԵՐ ՓԱՆՋՈՒՆԻ 20 մլրդ դրամ Հայկ Սարգսյանի պատճառով չի մտնի պետբյուջե. Oragir.News