Հայտնիներից ում ընտանիքում այսօր հնչեց դպրոցական առաջին զանգերը

Առաջին զանգ, առաջին քայլեր` դեպի գիտելիքի անսահման աշխարհ, այդ թվում նաեւ հույզեր` աշակերտական նստարանին. սրանք գուցե մանկությունից պատանեկություն գնացող ճանապարհի ամենաքաղցր հուշերն են: Բայց օրը կրկնակի անմոռանալի ու անբացատրելի է նաեւ այն ծնողների համար, նաեւ հանրային դեմքերի, ովքեր այսօր երեխայի ձեռքը բռնած ճանապարհ են ընկել դեպի դպրոց:

«Իրավունքն» իր փոքրիկ հետաքննության արդյունքում պարզեց, թե որ ճանաչված ծնողներն են այսօր իրենց երեխաների հետ առաջին քայլերն արել դեպի դպրոց: Այս շարքում է նաեւ ապրիլյան պատերազմի հերոս, կապիտան ՀՈՎՍԵՓ ԿԻՐԱԿՈՍՅԱՆԻ ավագ որդին՝ ԳԵՂԱՄ ԿԻՐԱԿՈՍՅԱՆԸ, որը մայրիկի ուղեկցությամբ բռնեց դպրոցի ճամփան:

Ռազմական փորձագետ ԴԱՎԻԹ ՋԱՄԱԼՅԱՆԻ որդին՝ հոգեբան Կարինե Նալչաջյանի թոռն այսօր նույնպես գնաց առաջին դասարան: Այսուհետ աշակերտ ՀԱՅԿ ՋԱՄԱԼՅԱՆԻ մայրիկը՝  ՍՈՆԱ ՀՈՎՀԱՆՆԻՍՅԱՆԸ, նշում է. «Հայկիս առաջին սեպտեմբերի 1-ը՝ հուզմունքով, բայց սպասելիքներով լի օր: Շնորհավորում եմ բոլոր առաջին դասարանցիներին»:

ԱԺ «Ելք» խմբակցության քարտուղար ԳԵՎՈՐԳ ԳՈՐԳԻՍՅԱՆԵՆՑ ընտանիքում եւս սեպտեմբերմեկյան եռուզեռ էր: Գորգիսյաններն առաջին անգամ դպրոց ճանապարհեցին ՍԱՄՎԵԼ ԳՈՐԳԻՍՅԱՆԻՆ: Պատգամավոր հայրիկն անդրադառնալով այս իրադարձությանը՝ գրել է. «Մենք գնացինք առաջին դասարան: Շնորհավոր բոլոր աշակերտների սեպտեմբերի 1-ը։ Բոլորին մաղթում եմ հետաքրքիր եւ գիտելիքներով լի տարի»:

«Առաջին դասարան: Աննկարագրելի զգացողություն։ Արեւս, գանձս, աղջիկս, քեզ բարի երթ ու անսահման հաջողություններ կյանքումդ», - նշել է ԱԺ աշխատակազմի ղեկավարի տեղակալ ԱՐՍԵՆ ԲԱԲԱՅԱՆԸ, որը դպրոց ճանապարհեց դստերը:

ՀՀ պետական վերահսկողական ծառայության պետ ԴԱՎԻԹ ՍԱՆԱՍԱՐՅԱՆԻ համար էլ այս սեպտեմբերի մեկն առանձնահատուկ էր: Դպրոցական իր առաջին քայլերը կատարեց նաեւ Դ. Սանասարյանի որդին՝ ԱՐԵԳ ՍԱՆԱՍԱՐՅԱՆԸ: Օրվա ավարտին ՊՎԾ պետը սոցցանցում գրել է. «Քանի ազատվել եմ, ասեմ, որ այսօր Արեգն էլ դարձավ դպրոցական: Շնորհավորում եմ դպրության ու գիտելիքի օրվա կապակցությամբ։ Ուսուցիչներից խնդրում եմ միայն մի բան. օգնեք, որ երեխաները զարգացնեն քննադատական մտածողությունը, անգիր անելը երկրորդեք տարատեսակ մտավարժանքներով...Սիրում եմ բոլորիդ»:

«Մարիայիս մուտքը դպրության ու գիտելիքի աշխարհ: Բարի երթ մեր աշակերտներին», - գրել է ՀՀ ԳԱԱ արեւելագիտության ինստիտուտի ավագ գիտաշխատող, թուրքագետ ԼԵՎՈՆ ՀՈՎՍԵՓՅԱՆԸ եւ հրապարակել դստեր դպրոցական առաջին լուսանկարը: Այո, ՄԱՐԻԱ ՀՈՎՍԵՓՅԱՆԸ նույնպես առաջին դասարան գնացող փոքրիկների թվում է:

Այսօր դպրոցական իր առաջին քայլերը կատարեց նաեւ դերասանուհի, հաղորդավարուհի ԱՆԱՀԻՏ ԿԻՐԱԿՈՍՅԱՆԻ որդին: Հուզված մայրիկն այս մասին գրել է. «Իմ տղա… անասելի հուզմունք եմ ապրում այս պահին... բարի երթ... ու կանաչ ճանապարհ եմ մաղթում... Դու արդեն հայտնվեցիր գիտելիքի զարմանահրաշ աշխարհում…»:

Կինոռեժիսոր ՀԱՐՈՒԹ ՇԱՏՅԱՆՆ էլ առաջին անգամ դպրոց ճանապարհեց դստերը՝ ԻՌԵՆ ՇԱՏՅԱՆԻՆ: Հայրիկը հրապարակավ միայն մի մտահոգություն է հայտնել. «Մենակ թե դասարանի ավագը չլինես»:

ՎԱՀԵ ԳՐԻԳՈՐՅԱՆԸ՝ երգիչ ԱՐՍԵՆ ԳՐԻԳՈՐՅԱՆԻ որդին էլ համալրեց առաջին դասարանցիների շարքը: Իսկ մեզ մնում է շնորհավորել բոլոր փոքրիկներին գիտելիքի, գրի եւ դպրության օրվա առթիվ, մաղթել, որ լավ սովորեն եւ իրենց հաջողություններով գերազանցեն ծնողներին: Դե իսկ ծնողներին մաղթում ենք համբերություն, չէ որ առաջին դասարանից հետո սպասվում է ծնող-ուսուցիչ-աշակերտ 12-ամյա բարդ եւ կարեւոր աշխատանք:

Պատրաստեց ՀՐԱՆՏ ՍԱՐԱՖՅԱՆԸ

Այս թեմայով ՇՏԱՊ. Հակակոռուպցիոն կոմիտեն մտավ Աբովյանի համայնքապետարան. Բաբայան Էդոյի գործը «բուրդ է» Օլիմպիական փոխչեմպիոնի վերադարձը. Արսեն Ջուլֆալակյանը ոսկե մեդալ է նվաճել Արգենտինայի դրոշի ներքո Արարատում ծեծկռտուքի գործով կալանավորվել է Մասիսի նախկին քաղաքապետ Դավիթ Համբարձումյանի եղբայրը. Armlur Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար