«Հեղափոխություն արեցինք ու մեր գլխին «սարքեցինք»». զինհաշմանդամ

Արցախյան ազատամարտի մասնակից, զինհաշմանդամ ՍԱՄՎԵԼ ՄԻՆԱՍՅԱՆԸ օգոստոսի 19-ից կնոջ եւ երեք երեխաների հետ դասադուլ է հայտարարել՝ պահանջելով պետության աջակցությունը սեփական գործը սկսելու համար: Իսկ այսօր արդեն ընտանիքի հետ միասին ազատամարտիկը դասադուլը շարունակում էր ՀՀ կառավարության շենքի դիմաց: Ս. Մինասյանը Եղեգնաձոր քաղաքի բնակիչ է:

Ըստ նրա, 17 տարի շարունակ պետության ղեկավարությունն ականջալուր չի լինում իր խնդրանքներին,  որպես  ՀՀ քաղաքացի՝ իրեն անտեսված է համարում:
«Իրավունքի» հետ զրույցում ազատամարտիկը նշեց, որ ցանկանում է բացել փոքր վարսավիրանոց, որպեսզի կարողանա ապահովել կնոջ եւ չափահաս երկու աղջիկների զբաղվածությունը, այդ դեպքում պետությունից այլ պահնաջներ չի ունենա. «Ինքս երկրորդ կարգի հաշմանդամ եմ, ֆիզիկական աշխատանք չեմ կարող կատարել: Ես վարկ եմ ուզում երկարաժամկետ, պատարաստ եմ աշխատել եւ գումարը կրկին վերադարձնել պետությանը: Բայց  այսօրվա կառավարությունն ինձ պատասխանում է, որ պետությունն այդ հնարավորությունը չունի, նույն պատասխանը տվել էին նաեւ նախորդ իշխանությունները»,-նշեց մեր զրուցակիցը: Նրա խոսքով՝ այսօր որեւէ զբաղմունք չունի, ասում է,  մինչեւ հեղափոխություն զբաղվում էր շրջիկ առեւտրով, բայց նոր իշխանության ձեւավորումից հետո , դրանից էլ է զրկվել, քանի որ նոր իշխանությունների կողմից իր գործատուն հանդիպել է մի շարք խոչընդոտների:
Սամվել Մինասյանը նշեց նաեւ , որ փողոցային պայքարի ամբողջ ընթացքում եղել է ակտիվ մասնակից եւ կանգնել ներկայիս վարչապետի կողքին. «Փաստորեն հեղափոխություն արեցինք ու մեր գլխին սարքեցինք, հիմա էլ դիմում ենք,  «լայաղ» չեն անում մեզ ընդունել: Վարչապետին գրավոր ու տեսանամակ եմ գրել, բայց որեւէ արձագանք չկա»,-շեշտեց Ս. Մինասյանը եւ նկատեց, որ հեղափոխությանը չեն մասնակցել, որպեսզի կառավարության կազմում հայտնվեն 50-60 հոգի եւ իրենց լավ զգան:
Մեր զրուցակիցը նաեւ տեղեկացրեց, որ բոլորին հայտնել է սկած դասադուլի մասին եւ պատրաստ է այնքան շարունակել,  քանի դեռ չեն բավարարել իր պահանջը: Ազատամարտիկի խոսքով` նոր ուսումնասկան տարում իր երկու ուսանող աղջիկները դասի չեն գնա, դպրոց չի հաճախի նաեւ 8-ամյա կրստեր աղջիկը, այս մասին տեղեկարցերլ է նաեւ ԿԳ նախարարությանը: Նրանք ուսումնասկան հաստատություն կգնան այն ժամանակ, երբ պետությունը ուշադրություն դարձնի իրենց բարձրացրած խնդրի վրա:

ԶՎԱՐԹ ԽԱՉԱՏՐՅԱՆ

Այս թեմայով Երեւանն արդեն շատ մեծ է, դրա համար չվում են Տիգրանաշեն․ ԸՆԿԵՐ ՓԱՆՋՈՒՆԻ Ռուսները նստան պոեզ, Մոսկվա գնացին, «Ուժեղ Հայաստանի» հայերը անտեր ու դուս պատերի տակ մնացին․ ԸՆԿԵՐ ՓԱՆՋՈՒՆԻ Սամվել Կարապետյանը դատի է տվել Նիկոլ Փաշինյանին․ պահանջում է 3 մլն դրամ և ներողություն խնդրել Էդիկ Մինասյանը տնային կալանքից ազատ է արձակվել 50 տարի անկողնուն գամված առաջին կարգի հաշմանդամ կնոջը պետությունը «բարեկեցիկ» է ճանաչել․ Յոլյան