«Պետք է կազմակերպել եւ պաշտպանել քաղաքային բնությունը ավերումից»

«Կանաչ Երեւան» կարգախոսով սեպտեմբերի 23-ին կայանալիք Երեւանի ավագանու ընտրություններին մասնակցող «Ռեֆորմիստներ» կուսակցության Երեւանի քաղաքապետի թեկնածու ԱՐՏԱԿ ԱՎԵՏՅԱՆԸ գտնում է, որ Երեւանը պետք է շնչի եւ պարզաբանել է իրենց կարգախոսի նշանակությունը:

«Քաղաքի կանաչ տարածք ասելով՝ հասկանում ենք ոչ միայն ծառ ու ծաղիկ, այլեւ մրգատու այգիներ, լճակներ, շատրվանների քանակ, գետը, գետի մաքրության եւ առողջության մակարդակը, վերջապես՝ քաղաքը շրջապատող բնության այն տարածքները, որտեղ շինություններ չկան», - շեշտում է Ա. Ավետյանն ու պնդում, որ Երեւանում շրջակա միջավայրի պաշտպանության համար տրամադրվող գումարները ծախսվում են ոչ նպատակային: 

Ըստ քաղաքապետի թեկնածուի, ներկրվող թանկարժեք բուսատեսակները հաճախ դիմացկուն չեն Երեւանի կլիմայական պայմաններում. «Այդ եւ անբավարար խնամքի պատճառով ծառերը չորանում են ու հատվում: Զանգվածային ծառահատումներից հետո կանաչապատման նորոգության ոչ մի լուրջ աշխատանք չի արվել: Հիվանդություններից խուսափելու համար շեշտը պետք է դնել ոչ թե մեկ տեսակ լավ ծառի վրա, այլ՝ բազմատեսակության: Երեւանում իրենց արդարացրել են բազմաթիվ ծառատեսակներ՝ սոսի, ձիակասկ, ակացիա, հացենի, թխկի եւ այլն: Ծառերը պետք է ընտրվեն մի քանի չափանիշներով՝ փոշին մաքրելու ունակությամբ, ածխաթթու գազը կլանելու հատկությամբ, Երեւանում հարմարված լինելու ունակությամբ, համաչափ աճի եւ էսթետիկական չափանիշներով»: 

Բացի այդ, Ա. Ավետյանի կարծիքով՝ Երեւանում կանաչապատումը մեծ մասամբ արվում էր ոչ թե ծառերի, այլ ծաղիկների միջոցով, ինչն ընդհանրապես նպատակարմար չէ քաղաքի օդային ավազանի մաքրման ու պահպանման համար. «Քաղաքի յուրաքանչյուր բնակչի նորմալ գործունեության համար պետք է առնվազն 16 քմ ընդհանուր օգտագործման կանաչ տարածք: Այժմ այդ ցուցանիշը իջած է. այն կազմում է մոտավորապես 4-5քմ: Պետք է կազմակերպել եւ պաշտպանել քաղաքային բնությունը ավերումից, անհարկի շինարարությունից, անօրինական աղբաթափումից: Պետք է ստեղծել եւ պահպանել կանաչ քաղաքը՝ շնչող Երեւանը», - գրում է քաղաքապետի ռեֆորմիստ թեկնածուն:

Այս թեմայով Նիկոլը Հայաստանում իրականացնում է «դենացիոնալիզացիա». Նարեկ Գալստյան Հայաստանում այսօր կրկին բարձրացվեց Հաղթանակի փառապանծ կարմիր դրոշը Մինչև Նիկոլի իշխանազավթումը՝ ՀՀ֊ը շարժվում էր արժանապատիվ և պատերազմների չեզոքացման ճանապարհով. Արտակ Զաքարյան «Հիշում ենք մեր պապերի սխրանքը». «Ռուսաց լեզվի և մշակույթի» կենտրոնների սաների միջոցառումը՝ նվիրված Մեծ հաղթանակի 80-ամյակին Երևանի մի շարք հասցեներում ջրամատակարարումը ժամանակավորապես կդադարեցվի