Սաուդյան Արաբիան արտաքսում է Կանադայի դեսպանին

Սաուդյան Արաբիայի արտաքին գործերի նախարարությունը թագավորությունում Կանադայի դեսպանին մեկ օր է տվել երկրից հեռանալու համար: Էր Ռիադն այս քայլին է դիմել թագավորությունում ձերբակալված քաղաքացիական ակտիվիստուհիներին ազատ արձակելու՝ Օտտավաի կոչից հետո, փոխանցում է ТАСС-ը:

Օգոստոսի 3-ին Կանադայի արտգործնախարարությունը մտահոգություն էր հայտնել Սաուդյան Արաբիայում քաղաքացիական ակտիվիստների ձերբակալման կապակցությամբ և պահանջել էր անհապաղ ազատ արձակել նրանց: «Մենք Սաուդյան Արաբիայի իշխանություններից պահանջում ենք անհապաղ բաց թողնել նրանց և մարդու իրավունքների համար խաղաղ պայքարի մյուս բոլոր մասնակիցներին», - նշված է Twitter-ում արտաքին քաղաքական գերատեսչության հաղորդագրության մեջ:

«Կանադայի դիրքորոշումը բացահայտ միջամտություն է թագավորության ներքին գործերին» ,- արտաքին քաղաքական գերատեսչության հայտարարությունից մեջբերում է անում Մամուլի սաուդյան գոծակալությունը:

Դրանում նշվում է, որ Էր Ռիադն իր դեսպանին հետ է կանչում կոնսուլտացիաների համար, Կանադայի դիվանագիտական ներկայացուցչության ղեկավարին հայտարարում է անընդունելի անձ և «դադարեցնում է առևտրական ու ֆինանսական նոր գործառնությունները Կանադայի հետ»:

Այս թեմայով Պանաման նշանակումից երկու ամիս անց հետ է կանչել Ռուսաստանում իր դեսպանին Ադրբեջանի ԱԳՆ-ն Գերմանիայի դեսպանին խիստ բողոքի նոտա է հայտնել նախագահ Շտայնմայերի կողմից սոցցանցում Արցախի դրոշի հրապարակման առնչությամբ Ռուս-ամերիկյան բանակցությունները կկայանան մարտի 24-ին Սաուդյան Արաբիայում. Կրեմլ Մարտի 23-ին Սաուդյան Արաբիայում բանակցություններ կանցկացվեն ԱՄՆ-ի և ՌԴ-ի միջև. Ուիտկոֆ Պետդեպարտամենտը հաստատել է, որ Զելենսկին չի լինելու Սաուդյան Արաբիայի հանդիպմանը