«Հայֆիլմ վերածնունդ» նախաձեռնության բաց նամակը` Լիլիթ Մակունցին

«Հայֆիլմ վերածնունդ» նախաձեռնության համակարգող Հայկ Զաքարյանը բաց նամակով դիմել է ՀՀ մշակույթի նախարար Լիլիթ Մակունցին:

Հարգարժան Լ. Մակունց. 

Կինոյում առկա խնդիրները բազում են, և իրավիճակը պահանջում է հրատապ լուծումներ: Այն, ինչ արվել է կինոոլորտում վերջին երեսուն տարիների ընթացքում, ասես լինի ՀՀԿ գործունեություն մութ սենյակում… Հայաստանի ազգային կինոկենտրոնը մաքսիմալ կոռումպացված այն կառույցներից է եղել, որի գործունեության մանրամասները հայտնի են կինոաշխարհում գրեթե բոլորին: Ամեն տարի կառավարության կողմից կինոյին հատկացվող բյուջեն մի քանի «(հ)անճարի» մեջ բաժանելը այս համակարգում սովորական երևույթ է, իսկ երիտասարդ կինոգործիչի` սեփական գաղափարն ու շնորհքը ցույց տալու համար աջակցություն չստանալը, ցավոք` աքսիոմ:
Մի քանի տարի անընդմեջ նույն ռեժիսորին նույն ֆիլմի համար գումար տալը, բայց եւ այդպես էլ այդ ֆիլմի էկրանավորումը չտեսնելը, վառ ապացույցն են այս խոսքերի: Առյուծի բաժինը «ախպեր-ընկերներով» կիսելուց հետո երիտասարդներին այս պիցայի մնացորդներն են բաժին հասնում, իսկ հրամցնելիս էլ` «վրայից կծելուց» հետո միայն:
Ես ունեմ շատ տաղանդավոր ընկերներ, ովքեր ֆիլմեր են նկարահանում` վարկ վերցնելով, քանի որ ոլորտի անլրջությունը նաև հովանավորներին է հուսախաբ արել, և ստացվում է այնպես, որ եթե կինոգործիչ ես, ուրեմն` դա քո «պրոբլեմն» է: 
Հարգարժան Լ. Մակունց, այն ֆիլմերը, որոնք նկարահանվել են այս տարիների ընթացքում, եղել են կամ մի թեմայի շուրջ, կամ կոմերցիոն նպատակներով արված էժանագին կոմեդիաներ: Որպեսզի այս պատկերը այլևս շարունակություն չունենա, անհրաժեշտ է նեետրալ կինո: Կինո, որը կունենա սյուժե, ինտրիգ, հետաքրքիր դրամատուրգիական լուժումներ, ոչ թե ինչ-որ օլիգարխի հաճույք, կամ ` Կինո չդիտող ազգի վրա վաճառվող ֆաստֆուդ: «Ջինսե ժիլետ-ալկոհոլ-մորուք-սիգարետ» կերպարով, անվերջ խոսող անգործունակ ռեժիսորի տեսակը արդեն պիտի լինի անցյալի վատ հիշողություն: 
Այս ամենի լուծումը մենք տեսնում ենք պետական կրթամշակութային կենտրոնների ստեղծման, կլանային կերուխումերի վերացման, կադրային լուրջ փոփոխություններ կատարելու եւ դաշտի բաց ու վերահսկելի գործելաոճի մեջ: Այն մարդիկ, ովքեր վերջին երեսուն տարում զբաղվել են ռեժիսուրայով, բայց արդյունք այդպես էլ չենք տեսել, արդեն ժամանակն է, որ զբաղվեն իրենց հարմար գործով եւ իրենց տեղը զիջեն ասելիք ունեցողներին: Մեծապես հավատալով Ձեր խոհեմությանն ու դարի զարկերակին համապատասխան մտածելակերպին` հույս ենք փայփայում մոտ ժամանակում տեսնել ու մասնակիցը լինել, Հայ Կինոյի և «Հայֆիլմի» նոր ժամանակաշրջանին: Մենք պատրաստ ենք: 

Հարգանքներով `«Հայֆիլմի վերածնունդ» նախաձեռնության համակարգող ` Հայկ Զաքարյան 

Այս թեմայով Բաբուխանյանը բարձրացրեց Արցախի օկուպացված քաղաքների հարցը Ինչպե՞ս առաջ գնալ՝ խուսափելով պատրանքներից և պաշտպանել պառակտվող անկախ պետականությունը․ Զաքարյան Բրյուսելի հայտնի խորհրդանիշ «Մաննեկեն Պիսը» ՀՀ Անկախության օրը ներկայացել է հայկական տարազով «Ժողովուրդ». Այսօր կորոշեն Հայկ Սարգսյանի ճակատագիրը Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը