Եղվարդում կառուցվող նավթի վերամշակման գործարանը տեղի բնակիչների եւ գործարանների գլխին դարձել է պատուհաս

Արդեն տեւական ժամանակ է, ինչ Եղվարդ համայնքի Նատի թաղամասի բնակիչները  բողոքում են թաղամասի հարակից տարածքում կառուցվող նավթավերամշակման գործարանի դեմ, բնակիչների բոլոր բողոքներները մնում են անարձագանք, իսկ գործարանի կառուցման աշխատանքները շարունակվում: Բանն այն է, որ «Արմօյլ» ընկերության կողմից կառուցվող գործարանի շինաշխատանքների թույլտվությունը նախկինում կասեցվել էր Բնապահպանության եւ ընդերքի տեսչական մարմնի կողմից, քանի որ գործարանը կառուցելիս չի իրականացվել ՇՄԱԳ`շրջակա միջավայրի վրա ազդեցություն  եւ դրա հետ կապված համապատասխան փաստաթղթեր չի ներկայացվել տեսչական մարմնին: Սակայն որոշ ժամանակ անց ընկերությունը կրկին սկսել է շինարարական աշխատանքները:
Նատի թաղամասի բնակիչներին  գործարանի ներկայացուցիչները նախապես չեն ասել, թե այն ինչ գործարան է լինելու, համոզել են թե սովորական պահեստ է լինելու, որը վնաս չի հասցնի ո՛չ շրջակա միջավայրին, ո՛չ բնակիչներին: Սակայն որոշ ժամանակ անց բնակիչները տեղեկացել են, որ իրենց տների հարեւանությամբ կառուցում են նավթվերամշակամն գործարան: Այսօր տեղի բնակիչները հորդորում են համապատասխան մարմինները, որպեսզի  զբաղվեն խնդրով եւ չվտանգեն իրենց գոյությունը.«Այս գործարանի կառուցողները չեն երաշխավորում, որ այն կառուցելուց եւ գործաարկելուց հետո մեր տները չեն պայթի, չենք ուզում, որ այստեղ նման գործարանի լինի, վտանագավոր է»,-ասաց Նատի բնակիչ Վալերի Մկրտումյանը: Բնակիչների խոսքով` բոլոր օրենքներին ծանոթ են եւ գիտեն, որ նման գործարան բնակավայրերից պետք է երկու կիլոմետր հեռավորության վրա գտնվի. «Այս գործարանը պետք է չաշխատի, այն վտանգավոր է բոլորիս համար, թող տանեն հեռու վայրում կառուցեն»,-ասաց Հրաչ Սամսոնյանը:
Բնակիչներից բացի, գործարանի կառուցումը խիստ մտահոգել է նաեւ տարածքում գործող չրերի գործարանին: Գործարանի կառուցմանը դեմ չեն, սակայն նշում են, որ կառուցելուց առաջ չեն տեսել ՇՄԱԳ-ի փաստաթղթերը, ինչը նրանց մոտ կասկածներ է առաջացնում, որ ամեն ինչ այդքան էլ անվտանգ չէ: Հատկապես այն դեպքում, երբ գործարանի հարակից տարածքում գտնվում է պտղատու այգի, որից ստացած մրգերն էլ դարձնում են չիր եւ արտահանում Եվրոպա. «Ես այդ գործարանի ղեկավարների հետ անձնական ոչինչ չունեմ, թող կառուցեն իրենց գործարանը, ինձ միայն պետք է մասնագիտական փաստաթուղթ: Մեր գործարանի հարեւանությամբ կա կաթի, գինու գործարաններ, բացի այդ, բնակելի թաղամաս: Կա նաեւ Հայաստանի համար կարեւոր օբյեկտ` ռազմական տեխնիկայի վերանորոգման գործարան, որտեղ աշխատում են 19-20 տարեկան զինվորականներ, բա դրա մասին չեն մտածում»,-լրագրողների հետ զրույցում ասաց «Ռիվալ» ՍՊԸ հիմնադիր ՌԱՖԻԿ ՎԻՐԱԲՅԱՆԸ: Ըստ նրա, նավթի վերամշակման գործարանի կառուցմամաբ վտանգվելու է իրենց ձեռնարկությունը եւ հարցականի տակ է դրվելու գործարանի լինել-չլինելու հարցը:
Նշենք, որ 2018 թվականի հուլիսի 10-ին բնապահպանության եւ ընդերքի տեսչական մարմնի կողմից «Արմօյլ» ՓԲԸ նկատմամբ հարուցված վարչական վարույթի շրջանակում պարզվել է, որ Կոտայքի մարզի Եղվարդ քաղաքի Նատի թաղամասում նավթավերամշակման գործարանի շինարարությունը սկսելուց առաջ «Արմօյլ» ՓԲԸ-ն չի իրականացրել «Շրջակա միջավայրի վրա ազդեցության գնահատման և փորձաքննության մասին» օրենքով նախատեսված հիմնադրութային փաստաթղթերի հիման վրա գործարանի հետագա կառուցմամբ շրջակա միջավայրի վրա ազդեցության գնահատում և փորձաքննություն։

2018 թվականի հուլիսի 16-ին ելնելով վերոնշյալից՝ ՀՀ բնապահպանության նախարարության Բնապահպանության եւ ընդերքի տեսչական մարմնի ղեկավար Արթուր Գրիգորյանը կայացրել է նավթավերամշակման գործարանի շինարարությունը կասեցնելու որոշում մինչեւ «Շրջակա միջավայրի վրա ազդեցության գնահատման և փորձաքննության մասին» օրենքով նախատեսված հիմնադրութային փաստաթղթերի շրջակա միջավայրի վրա ազդեցության գնահատումը եւ փորձաքննության դրական որոշման ստացումը։ Սակայն, անտեսելով այս որոշումը այսօր նավթավերամշակման գործարանում ընթանում են շինաշխատանքներ 

ԶՎԱՐԹ ԽԱՉԱՏՐՅԱՆ

Այս թեմայով Երևանում հրդեհ է բռնկվել 5 հարկանի շենքի տանիքում. տարհանվել են բնակիչներ, կրակը մարվել է 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան Նավթի համաշխարհային գների նոր թռիչքը դարձավ անխուսափելի. հնարավոր է 150 դոլարից անցումը Նախկին վարչապետի ընտանիքը սգում է Հուսիթները նավթի համաշխարհային գների նոր թռիչք առաջացրեցին