Ազատավան, Բաղրամյան գյուղի բնակիչները փողոց էին փակել

Արտաշատի շրջանի Ազատավան, Բաղրամյան գյուղի բնակիչները առավոտվանից փողոց են փակել միջգյուղական ճանապարհը, որը հայտնի է որպես Արտաշատի հին մայրուղի, կապված իրենց բուժկետի խնդիրների հետ: Բնակիչները նշում են, որ ժամանակին բուժկետի միջոցով դուրս են գրվել մեծ գումարներ, իբր անվճար դեղեր տրամադրելու եւ այլն: Իչնչպես խոսում են ցուցարարները, աուդիտը հայտրաբերել է մոտ 2,5 մլն դրամ չարաշահում: Արդյունքում պատասխանատվության են ուզում կանչել բուժկետի ներկայիս տնօրեն Վահրամ Գեւորգյանին, սակայն գյուղացիները պնդում են, որ այս պատմության մեջ մեղավորը ոչ թե Վահրամն է, այլ նախորդ բժիշկ՝ Աշխարուհին: Սակայն ըստ գյուղացիների, այս պատմության թելերը տանում է մարզպետարան եւ այնտեղից է, որ որոշ բարձրաստիճան պաշտոնյաներ ունեն շահագրգռվածություն պատասխանատվությունը բարդել բժիշկ Վահրամի վրա: Այս պահին սպասվում է, որ մարզպետարանում կսկսվի խորհրդակցություն նորանշանակ մարզպետի, գյուղնախարարի ու փոխմարզպետերի մասնակցությամբ: Այդ խորհրդակցության արդյունքներին սպասելիս գյուղացիներին համոզել են ազատել ճանապարհը եւ շուրջ 100 մարդ հիմա խմբված են բուժկետի շրջակայքում: 

Ա. Հակոբյան 

Այս թեմայով Հայաստանի վետերանների միավորման գոյությունը վտանգված է. Ո՞վ է պատասխանատուն Առանց Իրանի սկզբունքային դիրքորոշումը հաշվի առնելու՝ TRIP-ը կարող է վերածվել աշխարհաքաղաքական առճակատման լրացուցիչ աղբյուրի Անկլավների մասին խոսելիս միշտ պետք է մտապահենք, որ անկլավների իրավական հիմքի վերաբերյալ դեռևս տեղեկություններ չունենք. Քարտեզագիր Անձամբ եմ հրահանգել՝ գնան քանդեն բուդկաները, ոչ մեկ իրավունք չունի հանրային տարածքի վրա ձեռք դնել․ Փաշինյան Լեզվակռիվ՝ թաղապետի և Չախոյանի միջև․ «Որ քանդելու էիք, ինչի՞ պայմանագիր կնքեցիք», «Խի՞ ես էդ ասում»