Նիկոլ Փաշինյանը ընդունել է Gallup International ասոցիացիայի նախագահին

Վարչապետ Նիկոլ Փաշինյանն ընդունել է Gallup International ասոցիացիայի նախագահ Կանչո Ստոյչևի գլխավորած պատվիրակությանը:

Այս մասին հայտնում են ՀՀ կառավարության տեղեկատվության և հասարակայնության հետ կապերի վարչությունից։

Վարչապետը ողջունել է Gallup International ասոցիացիայի 71-րդ տարեկան համաժողովի անցկացումը Երևանում և միջազգային փորձագետների մասնակցությունն այդ միջոցառմանը: Նիկոլ Փաշինյանը կարևորել է քաղաքական հետազոտությունների որակի շարունակական բարձրացումը, փորձի փոխանակումն ու վերլուծությունների արդյունքում հնարավորինս օբյեկտիվ գնահատական ունենալը՝ իրականացվելիք բարեփոխումների, կառավարման համակարգի գործունեության և այլ ուղղություններով: 

Կառավարության ղեկավարը հույս է հայտնել, որ երևանյան համաժողովը կնպաստի փորձի փոխանակմանն ու փորձագետների վերլուծական կարողությունների մակարդակի բարձրացմանը:

  
Կանչո Ստոյչևը վստահություն է հայտնել, որ Երևանում ընթացող համաժողովը կձևավորի տարածաշրջանային փոխհամագործակցության նոր հիմքեր, մասնակիցներին հնարավորություն կտա ծանոթանալ սոցիոլոգիայի վերջին միտումներին և իրականացնել հաջողված փորձի փոխանակում: Gallup International ասոցիացիայի նախագահը վարչապետին է ներկայացրել համաժողովի շրջանակում քննարկվող թեմաներն ու հայաստանյան գործընկերների հետ համագործակցության զարգացման հնարավորությունները:   

Այս թեմայով «Փաստ». Հայազգի գործիչներից ով է դարձել ՌԴ նախագահին կից հանձնաժողովի անդամ Ինչ ստացավ Փաշինյանը եվրաքարոզչական շոուից «Ժողովուրդ». Արցախցի գործարարը, որին հյուրընկալվեց Փաշինյանը, անցնում է փողերի լվացման գործին Օնիկը մրմնջաց. «Ես չէ, այլ Փաշինյանը. նա հրամայեց Շուշին հանձնել ադրբեջանցիներին՝ այն պատրվակով, թե զորքերը փախել են».Գաբրիելյանով Կրակոցներից հետո Թրամփին շտապ էվակուացրել են Սպիտակ տան թղթակիցների ասոցիացիայի կազմակերպած ընթրիքից (Տեսանյութ)