Մահացել է քանդակագործ Ֆերդինանտ Առաքելյանը. այսօրվա դեպքերի մասին նա զգուշացնում էր շաբաթներ առաջ

Մահացել է քանդակագործ ՖԵՐԴԻՆԱՆՏ ԱՌԱՔԵԼՅԱՆԸ, որն այս տարի բոլորել էր իր 75-ամյակը: Նա այսօր ծանր վիճակում տեղափոխվել է հիվանդանոց, բայց փրկել չի հաջողվել: Հիշեցնենք, որ ընդամենը շաբաթներ առաջ իր հարցազրույցում Ֆ. Առաքելյանը, կարծես, կանխատեսելով այս օրերին տեղի ունեցող դեպքերը` շեշտել էր. «Ես փողոցային բաներին միշտ դեմ եմ եղել: Բայց, անկեղծ ասած, կա մի ճշմարտություն՝ ժողովուրդը չի սիրում իշխանությանը, իշխանությունն էլ, կարծես թե, չի սիրում ժողովրդին: Սա հայ ժողովրդի, մեր պետականության ամենամեծ ողբն է: Պետք է սիրել իշխանությանը, եւ իշխանությունն էլ պետք է սիրի իր ժողովրդին:  Պետք է հաշտություն կնքվի»:

Դեռ այն ժամանակ արվեստագետը զգուշացնում եւ հիշեցնում էր. «Նիկոլ Փաշինյանը տասը տարի առաջ էր, որ էլի պայքարեց, եւ տասը հոգի զոհվեցին մարտի մեկին, հետո դարձավ դեպուտատ: Հիմա՞ քանի հոգի է զոհվելու: Այդպես չպիտի լինի»:

Ֆ. Առաքելյանը մի շարք գործերի հեղինակ է, այդ թվում՝ «Վերածնունդ» բարձրաքանդակը (Կարեն Դեմիրճյանի անվան մարզահամերգային համալիր), «Ամբոխները խելագարված» բարձրաքանդակը Ստեփանավանում, «Հյուրընկալություն» հարթաքանդակը (Գյումրիի «Շիրակ» հյուրանոց), Հայոց ցեղասպանության զոհերին նվիրված խաչքարը (Հայոց ցեղասպանության թանգարան-ինստիտուտ), «Հայ բարերարների ճեմուղի» հուշակոթողը եւ հուշահամալիրը Երեւանում:

ՀՐԱՆՏ ՍԱՐԱՖՅԱՆ

Այս թեմայով 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան Ինչպես փաՌատոները վերածվեցին փաՐատոների... Վիճաբանություն, դանակահարություն ու սպանություն Գյումրիում. տուժածները հայր ու որդի են, մահացել է որդին Հիվանդանոցում մահացել է Դավիթ Իշխանյանի ուղերձը , հենց ցեղասպանության ենթարկվող անձի հայի ոգեղենություն պահելու խնդրանքն էր