Վարկա՞ծ, թե՞ բացահայտում. Չարենցի գերեզմանը տեղը մոտավոր հայտնի է

«Մահեր կան, որոնք ազգի համար անմոռաց են, նրանք զարկված արժանապատվության նման անվերջ ծխում են դարերի խորքերում՝ ճշմարտությունը որոնելու ակնկալիքով: Այդպիսի կորուստ է մեր հանճարի՝ Եղիշե Չարենցի հետ կապված առեղծվածը, նույնը կրկնվեց ինձ հետ նաեւ Խաչատուր Աբովյանի մասին՝ Մարիետա Շահինյանի հիշողություններն ընթերցելիս», - այսօր՝ մեծանուն բանաստեղծ Ե. Չարենցի ծննդյան օրը, գրել է հրապարակախոս, գրող ՌՈՒԶԱՆ ԱՍԱՏՐՅԱՆՆ ու հավելել. «Թե ինչու մեր տաղանդավորների գերեզմանները անհայտության մեջ են թողնում, կասեմ միայն հետեւյալը՝ մեր ներքին եւ արտաքին թշնամին, որը նույն անձն է տարբեր մարմիններում, ողջ թե մեռած, վախենում է անգամ նրանց շիրիմի զորությունից, այն էներգիայից, որը ժողովրդին տանում է ազգային համախմբման»:

Մտավորականն այս նախաբանից հետո՝ ուշագրավ վարկած է առաջ քաշում՝ պատմելով, որ տասը տարի առաջ հրավիրված է եղել մի միջոցառման, որտեղ էլ ներկաներից մեկը իր գրող լինելու մասին իմանալով, մի պահ լրջացել ու քիչ անց, ներկաներից թույլտվություն խնդրելով, իրեն դուրս  է հրավիրել. «Նա ինձ մանրամասը պատմեց Չարենցի գնդակահարության ու թաղման վայրի մասին: Ես շատ էի լսել նման պատմություններ, այս մեկը բոլորովին այլ էր: Հիշյալ անձնավորության բարեկամը աշխատել է բերդում: Վաղ առավոտյան ժամը 5-ի մոտերքը նրան կանչում եւ հրահանգում են, որ բակում կանգնած հացի մեքենան պետք է Հրազդան տանի: Հրազդանն անցնում են եւ դեպի Չարենցավան գնացող ճանապարհին կարգադրում են կանգնել, չնայած իրենց բոլորի աչքերը կապում են, բայց Չարենցի ձայնն ու խոսելաոճը նա փակ աչքերով էլ զգացել է: Հենց այդտեղ էլ, ըստ պատմիչի՝ թաղված է Չարենցը: Մոտավոր տեղն ինձ հայտնի է, բայց արդյոք գիշերը չէին տեղափոխել արդեն մեռած Չարենցի դին…»:

Ռ. Ասատրյանը նաեւ նշում է, որ ցավոք սրտի, երկու վկաներն էլ չկան արդեն ու հարց է հղում. «Մի՞թե չի լինելու այն մեկը, որ հետեւողականորեն արտաշիրիմում անի եւ նրա ԴՆԹ-ի միջոցով գտնի մեծ պոետի օրհնյալ մասունքները, քանի դեռ ժառանգները մեր կողքին են»:

ՀՐԱՆՏ ՍԱՐԱՖՅԱՆ

Այս թեմայով ՇՏԱՊ. 36-ամյա գործարարին մահացած են գտել. Հրապարակ Պետությունը չպետք է քաղաքացու փոխարեն որոշի՝ նրա վիշտը ֆինանսապես «բավարար ծանր» է, թե ոչ Փաշինյանը նպատակ ունի կտրել թաղման նպաստները «Ժողովուրդ». Գլխավոր մարզիչ Եղիշե Մելիքյանի մայբախը խոշոր վթարի կենտրոնում. վարույթ կա Ստեփան Ասատրյանը ստո՞ւմ է. թամադան տեսանյութ է հրապարակել