ՈՎ Է ՀԱՐՐԻ ՓՈԹԵՐԻ ՖԻԼՄԵՐԻ ՀԱՅՈՒՀԻ ՊՐՈԴՅՈՒՍԵՐԸ. (PHOTO)

Տանյա Սեգաչյանին բրիտանական  «The Guardian»-ը բազմիցս է անվանել ժամանակակից բրիտանական կինեմատոգրաֆի ամենաազդեցիկ կանանցից մեկը։

Տանյա Սեգաչյանը ծնվել է  1968թ. Լոնդոնում, հայկական ընտանիքում։

Հայկական ծագումով բրիտանուհու կարիերան սկսել է դեռ Քեմբրիջի համալսարանում ուսանելու տարիներին, որտեղ նա զբաղվել է բուհի Footlights թատերական ակումբի տարբեր նախագծերով։ Ավելի ուշ նա զբաղեցրել է թատերական ակումբի նախագահի պաշտոնը։

1990-ականներին երիտասրդ հայուհին ВВС-ից աշխատանքային հրավեր ստացավ որպես հեռուստատեսային դոկումենտալ ֆիլմերի պրոդյուսեր։

1997-ին Սեգաչյանը սկսեց աշխատել բրիտանական Heyday Films պրոդյուսերական ընկերությունում, որտեղ սկսեց զբաղվել Հարրի Փոթերի ֆիլմի պրոդյուսերական աշխատանքներով։

Տանյան խոստովանել է, որ նախքան երիտասարդ հրաշագործի մասին ֆիլմի շուրջ աշխատելը երբեք չի զբաղվել խաղարկային ֆիլմերով եւ չի հետաքրքրվել ֆանտաստիկ պատմություններով։ 1997 թ. նա պատվեր է ստանում գտնել մի պատմություն, որը կարող է երկար կյանք ունենալ։ Երբ Տանյան պատահաբար ծանոթանում է Հարրի Փոթերի մասին պատմող գրքին, այն հրատարակած էր ընդամենը 500 օրինակով։

«Ես որոշեցի այդ պատմությունը էկրանավորել միայն դրա հանդեպ էմոցիաներ զգալու պատճառով։ Լաց էի լինում, երբ ընթերցում էի այն տողերը, որում Հարրին հայելու առջեւ կանգնած իր ծնողներին է տեսնում։ Պատկերացնու՞մ եք, ես 29 տարեկան էի եւ լացում էի մանկական գիրքն ընթերցելով։ Այդ ժամանակ էլ հասկացա, որ դա լավ պատմություն է եւ ֆիլմը կստացվի»,- պատմել է Տանյան։

2001-ին թողարկվեց հրաշագործ տղայի մասին առաջին՝ «Հարրի Փոթերն ու փիլիսոփայական քարը» ֆիլմը,  որում որպես գլխավոր պրոդյուսեր հանդես եկավ հայուհին։ Ֆիլմի հաջողությունը գերազանցեց բոլոր սպասումները եւ պրոդյուսերական ընկերությունը, ի դեմս Սեգաչյանի, շարունակեց նկարահանել մյուս հատորները, որոնք էլ դարձան համաշխարհային կինոյի բեսթսելլերներ։

Հարրի Փոթերի մասին ֆիլմերից հետո հայուհին համաշխարհայի ճանաչում ձեռք բերեց։

Տանյա Սեգաչյանը զբաղվում էր նաեւ  «Իմ սիրո ամառը» ֆիլմի պրոդյուսերական աշխատանքներով, որն էլ 2005 թ. հեղինակավոր  BAFTA-ի մրցանակաբաշխությանը ճանաչվեց «Լավագույն բրիտանական ֆիլմ»։

2010-ին հայուհին գլխավորեց Բրիտանական ֆիլմերի խորհրդի հիմնադրամը։ Ներկայումս նա շարունակում է զբաղվել պրոդյուսերական աշխատանքներով ինչպես Մեծ Բրիտանիայում, այնպես էլ ԱՄՆ-ում։

wnews.am 

Այս թեմայով Սիրելի՛ ընկերներ, հարազատներ և բարեկամներ, մեծ ուրախությամբ հայտնում եմ, որ լույս աշխարհ եկավ որդիս. Սուրեն Պապիկյան (Photo) 17-րդ անգամ «ՌեԱ»-ն Հայաստան բերեց անիմացիայի լավագույն դեմքերին. հայտնի են մրցանակակիրները Վրաստանի առաջին կին օդաչուն 34-ամյա հայուհի է Ապարանի ճանապարհին шվտովթшրից մшհացած երիտասարդը 20 տարեկան էր, 2 երեխաների հայր. նա տիկտոկեր Մարիի ամուսինն էր (Photo) Կինոբիզնեսը գողացվել է Միացյալ Նահանգներից,ես 100 տոկոս մաքսատուրք կսահմանեմ ԱՄՆ-ից դուրս արտադրված բոլոր ֆիլմերի համար.Թրամփ