Արիֆ Յունուսովը` Բաքվում 1990թ․ հայկական ջարդերի մասին

Ադրբեջանցի իրավապաշտպան, պատմաբան Արիֆ Յունուսովը, ով քաղաքական հայացքների պատճառով  արտագաղթել  է Նիդեռլանդներ և բնակվում է այնտեղ, հարցազրույց է տվել ադրբեջանական «Օբյեկտիվ ԹիՎի» ինտերնետային հեռուստաալիքին, որում պատմել է 1990թ. հունվարին Բաքվում տեղի ունեցած հայկական ջարդերի մասին`մանրամասնելով  որ դա արվել է Հեյդար Ալիևի հրամանով: 

«Հունվարի վերջին պետք է կայանար Ադրբեջանի կոմունիստական կուսակցության կենտրոնական կոմիտեի լիագումար նիստը, որի ժամանակ Հեյդար Ալիևն ու նրա ամբողջ թիմը պետք է հեռացվեին կուսակցությունից ու դրանից հետո անհետանային երկրի քաղաքական դաշտից: Ալիևը, իհարկե, տեղյակ էր դրա մասին ու հանրապետությունում իր մարդկանց միջոցով բուռն հակագործողությունների էր անցել: Ադրբեջանի Ազգային ճակատում առաջատար դերակատարում ուներ Նեյմաթ Փանահովը, որի հետ հանդիպումներից մեկի ժամանակ Ալիևն ասել է՝ «Մեզ շատ արյուն է հարկավոր»: Եվ հենց Նեյմաթ Փանահովն է 1989թ. դեկտեմբերի 31-ին կազմակերպել Նախիջևանում պետական սահմանի խախտումը՝ չնայած, որ Մոսկվան արդեն ստորագրել էր համաձայնագիրը, որով թույլ էր տվել սահմանի բացումն ու խոստացել էր, որ Պետանվտանգության կոմիտեի սահմանապահները կրակ չեն բացի: Հենց Փանահովն է 1990թ. հունվարին դարձել հայկական ջարդերի կազմակերպիչը»,-պատմել է Յունուսովը:

«Ադրբեջանում պատմության այդ դրվագն այն աստիճան է խեղաթյուրվել, որ հունվարի 20-ն ընկալվում է որպես պետության համար անկախություն բերած հերոսական պայքարի փառավոր էջ ու ազգային-ժողովրդավարական շարժման մի մաս»,- նշել է իրավապաշտպանը:

Այս թեմայով Որ ուժերն են մասնակցում Կարապետյանի տան հավաքին Հայտնի իրավապաշտպանը հրատապ հայտարարությամբ է հանդես եկել Երևանը հիշեցնում է Բաքուն»․ ադրբեջանցին՝ Երևան կատարած այցի մասին Առնվազն ծիծաղելի է մանկամիտներս մութ սենյակում սեւ կատու փնտրելը. հատուցումը ծանր է լինելու՝ այն սարերի հետեւում չի Թուրքիայում «Հայկական հարցի» մասին վավերագրական ֆիլմաշար են պատրաստել