Խորհրդարանական լսումնե՞ր, թե՞ ազգային կրկես

Այսօր ԱԺ-ում տեղի ունեցավ խորհրդարանական լսումներ` առանձին ապրանքների գների բարձրացման պատճառները եւ գնաճը մեղմելու հնարավորությունների վերաբերյալ, որին մասնակցում էին ինչպես օրենսդիր մարմնի ներկայացուցիչներ, այնպես էլ տնտեսագետներ, հասարակական կազմակերպության ղեկավարներ եւ այլք: Ինչպես մի շարք խորհրդարանական լսումների, այնպես էլ այսօր բուն խնդրի մասին խոսելուց զատ, բանախոսները նաեւ սկսեցին հեգնել միմյանց, այդ թվում կառավարության ներկայացուցիչներին: Օրինակ «Ելք» խմբակցության  ղեկավար Նիկոլ Փաշինյանը իր ելույթի ընթացքում «կոմպլիմենտներ» արեց ֆինանսների նախարար Վարդան Արամյանին. «Ֆինանսների նախարարը , բոյով, սիրուն, կրթված, ասում է, թե 2011 թվականին 7 տոկոս գնաճ է եղել, ի՞նչ է, մարդ է մեռել»,-ասաց Փաշինյանը:

Իսկ ահա Դեմոկրատական կուսակցության նախագահ Արամ Սարգսյանն էլ լսելով կառավարության ներկայացուցիչներին հեգնեց, թե իր մոտ այնպիսի տպավորություն է ստեղծվել, որ գտնվում է Շվեյցարիայում, որտեղ ամեն ինչ հիանալի է: Նա առաջարկեց, որ ավելի լավ կլիներ, որ խոսեին թանկացումների հետեւանքները մեղմելուց:

«Սպառողների միության» նախագահ Արմեն Պողոսյանն էլ իր տրամադրության տակ գտնվող ամբիոնից  ի լուր աշխարհի հայտարարեց, թե վերջին անգամ փողկապ գնել է 20 տարի առաջ, ինչն իհարկե ծիծաղի առիթ դարձավ շատերի համար:

Բացի այդ, անվանի տնտեսագետների կողմից հնչեցին նաեւ հռետորական հարցեր, օրինակ պրոֆեսոր Թաթուլ Մանասերյանը դիմելով գյուղատնտեսության նախարար Իգնատի Առաքելյանին ասաց, արդյո՞ք Հայաստանին անհրաժեշտ է գյուղատնտեսության նախարարություն, որին ի պատասխան, Ի. Առաքելյանը ծիծաղելով  ասաց, թե իհարկե, անհրաժեշտ է:

Հարցերից մեկն էլ, որի պատասխանը փնտրում է հասարակության 90 տոկոսը, ուղղված էր ՏՄՊՊՀ նախագահ Արտակ Շաբոյանին, թե ինչով է զբաղված հանձնաժողովն այն դեպքում, երբ շուկայում գերիշխող դիրք ունեցողները իրականցնում են բազմաթիվ չարաշահումներ: Դե ինչպես միշտ Ա. Շաբոյանը սկսեց հերթով թվարկել հանձնաժողովի գործունեությունը, որը քաջ հայտնի է բոլորին:
Ինչեւէ, հուսանք, որ «կատակերգությամբ» հագեցած այս լսումները կունենան որեւէ դրական արդյունք:

ԶՎԱՐԹ ԽԱՉԱՏՐՅԱՆ
 

Այս թեմայով ԱՄՆ-ն քննարկում է ՌԴ-ի հետ լայնածավալ գործարքներ կնքելու հարցը՝ մինչև Ուկրաինայում պատերազմի ավարտը. The New York Times ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով Հայ ռազմագերիների պաշտպանության հարցով դիմել եմ ՄԻՊ Անահիտ Մանասյանին․ Լիլիթ Գալստյան Ռուսաստանի հետ քննարկում ենք նաև մետրոյի «Աջափնյակ» կայարանի կառուցմանն իրենց մասնակցության հարցը Ե՞րբ են վերադարձնելու մեր հողերը… Սիրելի’ տիգրանաշենցիներ, ձեր տների հարցն ենք քննարկում