ԳՈՏԵՎՈՐՈՂ ՀԵՐՊԵՍԸ ՎԱՐԱԿԻՉ ՀԻՎԱՆԴՈՒԹՅՈՒՆ Է

- Հարգելի բժիշկ, ախտորոշել են գոտեւորող հերպես հիվանդություն: Այն վարակի՞չ է: Հնարավոր է այս հիվանդության պատճառ դառնա նյարդային սթրեսը: Խորհուրդ են տվել բշտիկները ծակել ասեղով, կարե՞լի է: 

Հարցին պատասխանել է թիվ 2 բուժմիավորման մաշկավեներաբան ԱՐՏԱԿ ՂԱԶԱՐՅԱՆԸ.

- Գոտեւորող հերպեսը վիրուսային հիվանդություն է: Աշխարհի բնակչության 95%-ի մոտ առկա է այն: Փոքր տարիքում կարող է առաջացնել ջրծաղիկ հիվանդությունը: Վերոնշյալ վիրուսը բնակվում է ներվային գանգլիաներում (հանգույցներում): Այն ակտիվանում է գերսառեցման, ներվի բորբոքման ժամանակ: Արդյունքում ներվի ներվավորման ուղղությամբ սկզբնական շրջանում առաջանում են հիպեռեմիկ (կարմիր բորբոքային) օջախներ, մեկ օր անց այդ օջախների վրա ի հայտ են գալիս մանր հեղուկով լցված բշտիկներ, որոնք մի քանի օր հետո չորանում, կեղեւակալում են:
Այս հիվանդության տեւողությունը 2 շաբաթ է (14 օր), իսկ շաքարային դիաբետով հիվանդների մոտ այն կարող է ձգվել 3 շաբաթ: Հիվանդանալուց հետո մարդը ձեռք է բերում իմունիտետ (օրգանիզմի անընկալությունն է վարակիչ հիվանդությունների նկատմամբ): Այսինքն` գոտեւորող հերպեսով հիվանդացած մարդը մոտ 20 տարի երաշխավորված է շրջանցելու վերոնշյալ հիվանդությունը: Ուշ տարիքում կարող է այն կրկնվել, եթե ընկած է իմուն համակարգը, կամ մարդը հիվանդ է ՁԻԱՀ-ով: Ինչ վերաբերում է ասեղով ծակելուն, ապա, հարգելի նամակագիր, այն ցանկալի չէ, սովորաբար խորհուրդ է տրվում մշակել բրիլիանտ կանաչի (զելյոնկա) լուծույթով: Լուծույթն ունի չորացնելու հատկություն, ինչպես նաեւ երկրորդական վարակից խուսափելու պաշտպանիչ ազդեցություն:
Ձեր կողմից նշած նյարդային սթրեսը կարող է թուլացնել իմուն համակարգը, բայց ոչ հանդիսանալ հիվանդության պատճառ: 
Գոտեւորող հերպեսը վարակիչ հիվանդություն է. վարակիչ է հատկապես բշտիկներում առկա հեղուկը: Ցանավորման շրջանի վերացումից հետո այն այլեւս իրենից վտանգ չի ներկայացնում: Հիվանդության ընթացքում արգելվում է շփումը մարմնի հետ, լոգանքը, հարկ է խուսափել գերսառեցումից:
Գոտեւորող հերպեսը ախտորոշում են կլինիկորեն: Եթե պատկերը ինչ-ինչ դեպքերում լինում է անհասկանալի, գուցե նման այլ հիվանդությունների նշաններին, ապա լաբորատոր քննության է ենթարկվում տվյալ անհատը: Սակայն դա հազվադեպ է լինում, քանի որ գոտեւորող հերպեսը իր սկզբունքով, յուրահատկությամբ հեշտ ախտորոշվող հիվանդություն է:
Գոտեւորող հերպեսով հիվանդը ստանում է սիմպտոմատիկ բուժում` հակավիրուսային դեղամիջոցներ եւ արտաքին օգտագործման քսուքներ:

ՎԼԱԴ ՄՈՒՐԱԴՅԱՆ

Այս թեմայով Շատ նման է, որ Թրամփի հիվանդությունը վարակիչ է. շրջապանում աննորմալների պակաս չկա Ռուբիոնյի հայտարարությունը հուշում է, որ Թրամփի հիվանդությունը վարակիչ է Մարգարիտա Սիմոնյանի և Տիգրան Քեոսայանի երեխայի մոտ անբուժելի հիվանդություն է հայտնաբերվել Շնորհակալ ենք Հիպոկրատի նվիրյալներ Հինը մահանում է. Մոտենում է կարևոր իրադարձություն