Յութուբն ընդդեմ հայ աստղերի. ինչպե՞ս ապահովագրվել տհաճ «անակնկալներից»

Արդեն մի քանի շաբաթ է, ինչ «Յութուբը» լուրջ խնդիրներ է ստեղծել մի շարք հայ երգիչ-երգչուհիների պաշտոնական ալիքների համար՝ պարզապես ջնջելով նրանց տեսահոլովակները: Թե ինչպես լուծել խնդիրը եւ ապահովագրել սեփական տեսահոլովակները յութուբյան տհաճ «անակնկալներից», «Իրավունքը» պարզեց աշխարհահռչակ Vevo երաժշտական վիդեոդարանի հրապարակիչ, օպերայի եւ բալետի ազգային ակադեմիական թատրոնի դերասան, մոդել ԴԱՎՒԹ ՂԱՐԻԲՅԱՆԻՑ:

- Տեղյակ եմ կատարվածի մասին, քանի որ ինքս «Յութուբի» օգտատեր եմ եւ իմ պաշտոնական ալիքը նույնպես ջնջվել էր՝ անհեթեթ հիմնավորումներով՝ սպամ, խաբեություն, խարդախություն… Ըստ իս, այն կարող է լինել սխալմունք՝ «Յութուբի» ռոբոտային համակարգի կողմից, քանի որ իմ ունեցած տվյալներով՝ նրանք արդիականացրել են այդ համակարգը, որի հետեւանքով 100 -ից ավել յութուբյան ալիքներ միաժամանակ ջնջվել են, ընդ որում՝ նույն հիմնավորումներով, եւ դրանցից միայն մոտ 70-ն է վերականգնվել: Իսկ եթե կիբեր հարձակում է եղել հայկական տիրույթում, ապա դրա պատասխանը կարող են տալ ՏՏ ոլորտի մեր մասնագետները։ Ամեն դեպքում, չեմ կարծում, որ սա միջազգային մասշտաբի գլոբալ քաղաքականության հետեւանք կարող է լինել:

- Այդուհանդերձ, նման խնդրի առաջ կանգնած երգիչ-երգչուհիներին ի՞նչ խորհուրդ կտաք՝ ինչպե՞ս կարող են վերականգնել՝ իրենց կորցրած եւ բազմաթիվ լայքեր հավաքած տեսահոլովակները:

- Նախեւառաջ խորհուրդ կտամ, որ յուրքանչյուր ոք բողոքարկի «Յութուբին» հետեւյալ հղումով՝ https://support.google.com/accounts/contact/suspended?p=youtube&hl=ru, եթե գտնում է, որ սխալմունք է եղել: Մերժվելու դեպում կարող են դիմել Յութուբի միջնորդ իրենց գործընկերոջը, ինչպիսին Հայաստանում «ՀայՖանատն» է, որի ջանքերով մի շարք ալիքներ արդեն իսկ վերկանգնվել են:

- Առհասարակ, ինչպե՞ս կարելի է ստեղծել անվտանգ եւ ապահով երաժշտադարան համացանցում:

- Ընդհանրապես, ճանաչված արտիստները գերադասւմ են ունենալ Vevo ալիք, որը ողջ աշխարհում մեծ հեղինակություն է վայելում եւ առավել ապահով է ու պաշտպանված։ Ուստի՝ մեր արտիստներին նույնպես խորհուրդ կտամ ստեղծել իրենց տեսադարանը Vevo-ում։

- Իսկ թա՞նկ հաճույք է Vevo-ում անձնական տեսադարան ստեղծելը:

- Ինչ խոսք, աստղաբաշխական չէ, սակայն մատչելի էլ չի կարելի համարել:

- Այսօր կա՞ն հայ երգիչ-երգչուհիներ, որոնք արդեն իսկ իրենց տեսահոլովակները վստահել են Vevo-յին:

- Իհարկե, օրինակ՝ երգչուհի Դալիթան, երգիչ Մհերը, Էմմին, Արամ MP3-ին, Էրիկ Կարապետյանը եւ այլք։ Այնպես որ, մեր սիրելի արտիստներին ցանկանում եմ, որ երբեք չհայտնվեն նման իրավիճակներում, բայց նաեւ մտածեն ապահով երաժշտադարան ունենալու մասին:

ՀՐԱՆՏ ՍԱՐԱՖՅԱՆ

Այս թեմայով 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան Ռուսական դրամատիկական թատրոնը բացեց 89-րդ թատերաշրջանը «Սովորական պատմություն» ներկայացմամբ «Դաբրոներ են» տվել Փաշինյանի աշխատակազմի նախկին ղեկավար Հարությունյանը, առողջապահության ոլորտը «վարած-ցանած» նախկին նախարար Արսեն Թորոսյանը, Կոտայքի մարզպետ Ահարոն Սահակյանն ու ՏԿԵ նախարար Դավիթ Խուդաթյանը Դավիթ Համբարձումյանը դիմել է «Վեոլիա Ջուր» ընկերությանը բաց նամակի տեսքով ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով