«Երկիր ծիրանիի» եւ «Ելքի» տիկնայք միմյանց հոգեմետ դեղեր են առաջարկում

Երեւանի ավագանու հերթական նիստն առանց սկանդալների չանցավ, որին բավական լրջորեն պատրաստվել էին Երեւանի ավագանու «Երկիր ծիրանի» խմբակցության «երեք հրացանակիրները»: Իսկ ինչու «հրացանակակիր», որովհետեւ ԵԾ տիկնայք այս անգամ ավագանու նիստին էին ներկայացել «զինված»` մեծ բարձրախոսով, ժամանակացույցով եւ «Երկիր ծիրանիի» դրոշներով, որով էլ այս անգամ փորձեցին աչքի ընկնել: Մինչդեռ բովանդակային առումով` նորություն չկար, էլի հին մեղադրանքներն ու կնոջը ոչ հարիր բառապաշարով ամեն ինչ արվում էր ՀՀԿ-ականներին հունից հանելու համար: Բայց, արի ու տես, որ այս անգամ Երեւանի ավագանու ՀՀԿ խմբակցության անդամները երկաթյա համբերությամբ լսում էին ընդդիմադիր տիկնանց բոլոր ելույթները, մինչդեռ «Ելքի» նյարդերը տեղի տվեցին: Երեւանի ավագանու «Ելք» խմբակցության անդամ ԱՆԻ ԽԱՉԱՏՐՅԱՆԸ տեղից պայթեց` դիմելով «Երկիր ծիրանի» խմբակցության անդամ ՄԱՐԻՆԱ ԽԱՉԱՏՐՅԱՆԻՆ, որը հերթական անգամ երկարաշունչ մեղադրանքներով ողողված իր ելույթն էր ընթերցում. «Երկար էիք հա պատրաստվել...»: Պատասխանը չուշացավ ԵԾ անդամ Մ. Խաչատրյանի կողմից. «Հանգստացնող դեղեր խմի»: Նույն ոճով էլ արձագանքեց «Ելքի» անդամ Ա. Խաչատրյանը. «Նայի քեզ չխմացնեմ...»: Լեզվակռիվն ավարտվեց «Ելքի» «խաղարար ջոկատների» միջամտությամբ: Սակայն մի վերջին հարված եւս Ա. Խաչատրյանը հասցրեց «Երկիր ծիրանիին»` հետաքրքրվելով. «Դուք հոգեմետ դեղերի ազդեցության տա՞կ եք եկել»:

ՀՐԱՆՏ ՍԱՐԱՖՅԱՆ

Այս թեմայով Մանրիկյանը կոչ է անում չանցնել կոռեկտության սահմանը Երևանի մի շարք հասցեներում ջրամատակարարումը ժամանակավորապես կդադարեցվի Ժամանակավորապես կդադարեցվի Երևանի և մարզերի որոշ հասցեների էլեկտրամատակարարումը Կրակոցներ՝ Երևանի Գարեգին Նժդեհ հրապարակում․ Շենգավիթի ոստիկանները պարզել են դեպքի հանգամանքները, հայտնաբերել մասնակիցներին ու հանցագործության գործիք ատրճանակը․ կրակողը 15-ամյա տղա է Անմար ոգի, Սյունյաց քոչարի. Սյունիքում պարային հրավառություն է սպասվում