Աճուրդի է հանվել Պատմության թանգարանի գույքը, այլ ոչ թե ցուցանմուշները

Օրերս հայտնի դարձավ,  որ ՀՀ կառավարությանն առընթեր պետական գույքի կառավարման վարչության «Աճուրդի կենտրոն» պետական ոչ առեւտրային կազմակերպությունը աճուրդի է հանել ՀՀ մշակույթի նախարարության «Հայաստանի պատմության թանգարան» պետական ոչ առեւտրային կազմակերպության սեփականության իրավունքով պատկանող դասական աճուրդով օտարման ենթակա գույքը: Այս մասին ՀՀ կառավարությանն առընթեր պետական գույքի կառավարման վարչության «Աճուրդի կենտրոն» ՊՈԱԿ-ը տեղեկացրել էր, որ  աճուրդը կանցկացվի դասական (գնի ավելացման) եղանակով:
Այս տեղեկատվության տարածումից հետո, սկսեցին շրջանառվել տարբեր բնույթի խոսակցություններ,  այն մասին, որ շուտով թանգարանի շենք էլ կվաճառվի, քանի որ որոշ լրատվամիջոցներ նշել էին, որ վաճառվելու է ոչ թե թանգարանի գույքը, այլ նմուշները:
Կրքերը որոշ չափով հանդարտվեցին, երբ ՀՀ մշակույթի նախարարի տեղակալ ԱՐԵՎ ՍԱՄՈՒԵԼՅԱՆԸ ֆեյսբուքյան իր էջում տվեց հետեւյալ պարզաբանումը. «Վերջին օրերին մեծ տարածում գտած այս «աղմկոտ» լուրին չէի անդրադառնա, եթե հատկապես իմ մշակութասեր ընկերների մեջ չգտնվեին մարդիկ որոնք, «տեղի տվեցին» մեղմ ասած ուղղորդված ապատեղեկատվությունը: Նման չհիմնավորված եւ սկանդալի տենչող մատուցված տեղկատվություններից խուսափելու համար եկեք ձեւավորենք մշակույթ ցանկացած նյութ կիսվելուց առաջ հասկանալ ինչի՞ մասին է խոսքը եւ որքանո՞վ է ինֆորմացիան ճշգրիտ: Մասնավորապես, այստեղ խոսքը գնում է Հայաստանի Պատմության թանգարանում՝ ինչպես բոլոր պետական կառույցներում, ՊԱՐԲԵՐԱԲԱՐ իրականացվող գույքի օտարման գործընթացի մասին, մինչդեռ թանգարանային նմուշները ՕՏԱՐՄԱՆ ԵՆԹԱԿԱ ՉԵՆ : Կցում եմ գույքի ցանկը»,-գրել է մշակույթի նախարարի տեղակալը:

ԶՎԱՐԹ ԽԱՉԱՏՐՅԱՆ

Այս թեմայով Արդարադատության ցուցանիշը բռնագանձված գույքի քանակը չէ, այլ այն, թե այդ արդյունքին հասնելիս որքանով է պահպանվել օրենքը 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան Հայաստանում անշարժ գույքի գները աճել են 20%-ով․ Մարտին Գալստյան Քասախի նախկին համայնքապետը 28 հողամաս է օտարել․ ձերբակալվել է 6 անձ Ադրբեջանի և Թուրքիայի քանի՞ քաղաքացի է գույք ձեռք բերել Հայաստանում