Աշխարհում աճում է կրծքի իմպլանտների հետ կապված քաղցկեղով հիվանդացությունը․ գիտնականներ

Աշխարհում նկատվում է ուռուցքի հազվագյուտ, սակայն ագրեսիվ տարատեսակով հիվանդացության կտրուկ աճ։ Այդ տարատեսակը կապակցված է այսպես կոչված կրծքի հյուսվածքային իմպլանտների գործածման հետ։ Պարզվել է, որ նման իմպլանտներն ավելի վտանգավոր են, քան հարթ իմպլանտները, հավաստիացնում են Փենսիլվանիայի համալսարանի գիտնականները։

Նրանց խոսքով՝ հյուսվածքային իմպլանտները հաճախ առաջացնում են քաղցկեղի ագրեսիվ ու հազվագյուտ տեսակ՝ անապլաստիկ խոշորբջջային լիմֆոմա։ Գիտնականները խոսում են քաղցկեղի հենց այս տարատեսակով հիվանդացության բռնկման մասին, ինչը կապակցված է 1990-ականներից հետո հյուսվածքային իմպլանտների տարածման հետ։ Կանայք նախապատվություն էին տալիս այդ իմպլանտներին, քանի որ դրանց մակերեսն ավելի լավ էր միանում շրջակա հյուսվածքներին ու իմպլանտներն ավելի քիչ էին շարժվում ու սահում, ինչի շնորհիվ կուրծքն ավելի բնական տեսք էր ստանում։

Իմպլանտների հետ կապակցված անապլաստիկ խոշոր բջջային լիմֆոմայի (BIA-ALCL) առաջին դեպքերը գրանցվել են 1997-ին։ Գիտնականների խոսքով՝ մինչեւ հյուսվածքային իմպլանտների կիրառումը նման ուռուցքներ չեն գրանցվել։

Իրենց հետազոտության համար գիտնականներն ուսումնասիրել են 115 գիտական հոդված, որոնք ներառում էին տվյալ հիվանդության զարգացման ու դրա պատճառների հետ կապված դիտարկումներ։ Հոդվածներում վերլուծվել է 95 հիվանդների տվյալներ, որոնց հետեւելով բժիշկները փորձում էին ավելի շատ բան իմանալ այդ հիվանդության ընթացքի մասին։ Հետազոտության ընթացքում պարզվել են ռիսկի բոլոր գործոնները, քաղցկեղի ախտորոշման մեթոդներն ու բուժման առկա միջոցները։

Պարզվել է, որ քաղցկեղի գրեթե բոլոր դեպքերը կապակցված են եղել հենց հյուսվածքային իմպլանտների հետ։ Դիտարկված 95 հիվանդներից հինգը մահացել են։ Քանի որ մինչեւ հյուսվածքային իմպլանտների ներդրումը բժշկական գրականության մեջ նկարագարված չեն եղել BIA-ALCL-ով հիվանդացության դեպքեր, գիտնականները հանգել են այն եզրակացության, որ հիվանդության ու իմպլանտների միջեւ ուղիղ կապ գոյություն ունի։

Այս թեմայով Մոսադի հետ կապված ինքնաթիռը թռավ Բաքու. Իրանական աղբյուր Հակակոռուպցիոն կոմիտեն բերման է ենթարկել Արթուր Ավանեսյանին Պետք է փառք տալ Աստծուն, որ կա ռուսական շուկան. Տնտեսագետը ՌԴ-ի տնտեսական դիվանագիտության հրամայականի մասին Թրամփը չի կարծում, որ կրակոցները կապված են Իրանի պատերազմի հետ Իրանի հետ պատերազմից հետո իրավիճակը և հարաբերությունները տարածաշրջանում և աշխարհում այլևս երբեք առաջվանը չլինեն․ Իրանագետը ապրիլի 21-ից հետո հնարավոր զարգացումների մասին