Նախարարը չի բացառում, որ ապօրինի ծառահատումների գործում ներգրավված լինեն պատասխանատուները

ՀՀ բնապահպանության նախարար ԱՐԾՎԻԿ ՄԻՆԱՍՅԱՆԸ «Իրավունքի» հետ զրույցում անդրադառնալով Դիլիջանի եւ Իջեւանի անտառներում տեղի ունեցած ծառահատումներին, մասնավորպես վերջերս տեղի ունեցած 6 հազար ծառերի հատմանը, նկատեց, որ ծառերի հատման արձանագրությունը իրականացրել է հենց բնապահպանության նախարարությունը` ստուգումների ժամանակ: Ըստ  նախարարի, 2014 թվականի օգոստոսի մինչեւ այս տարվա կեսերն ընկած ժամանակահատվածում, ապօրինի հատված ծառերն ընդհանուր տարածքի ընդհամենը 60 տոկոսի ուսումնասիրության արդյունք են եւ չի բացառվում, որ ավելի մեծ տարածք լինի. «Մենք այս գործերն ուղարկել ենք քննչական մարմին, քրեական գործ է հարուցվել, բոլոր նրանք, ովքեր ներգրավված են կամ որեւէ կերպ առնչություն ունեն այս գործի հետ, քննվելու են»,-փաստեց Արծվիկ Մինասյանը: Նրա բնորոշմամբ, այսօր Հայաստանի անտառների պահպանության համակարգը թուլ չի տալիս լիարժեք պատասխանատվությունն արձանագրել անձնավորված: Նախ`  չկան հատուկ մեխանիզմներ,  որոշելու համար, թե ծառը երբ է հատվել: Այս մեխանիզմը ներդնելու համար Հայաստանն արդեն դիմել է միջազգային կազմակերպության եւ առաջիկայում  ունենալու է սարքավորում , որը թույլ կտա արձանագրելու ծառահատման վաղեմությունը. «Մենք արբանյակային եւ ժամանակակից տեղեկատվական համակարգեր ենք ցանկաում ներդնել, որպեսզի տարեկան գոնե երկու անգամ ունենանք մոնիթորինգի պատկեր` ինչ վիճակում է եղել անտառը, ինչ է տեղի ունեցել հետագայում, այդ ժամանակահատվածում ովքեր են եղել պատասխանատուները, որպեսզի կարողանանք կանչել եւ ուսումնասիրություններ իրականացնել: Բացի այդ, պետք է անցնել 24-ժամյա ռեժիմի , ինչն այս պահին նշանակում է նաեւ լուրջ ֆինանսական միջոցներ, այդ պատճառով էլ տեղեկատվական համակարգերի միջոցով հսկողությունը պետք է խստացնել»,-ընդգծեց նախարարը եւ նկատեց, որ այսօր կարեւորագույն հարցերից մեկն էլ վերաբերում է այն օբյեկտիվ պատճառներին, որոնք թուլ չեն տալիս կոնկրետ մարդկանց պատասխանատվության ենթարկել:
Բնապահպանության նախարարը չբացառեց, որ անտառտնտեսության աշխատակիցները կարող են ներգրավված լինել ապօրինի ծառահատումների գործում , ավելին` կան բազմաթիվ դեպքեր, երբ այդպես է եղել: Նախարարը նաեւ հավելեց, որ ճիշտ էլ չի լինի, եթե բոլոր դեպքեր վերագրվեն  աշխատաիկցներին: Պարզապես անտառտնտեսության կառավարման համակարգն այնպես պետք է փոխել, որ մարդկային գործոնը նվազագույնի հասցվի ապօրինի ծառահատումներում:

ԶՎԱՐԹ ԽԱՉԱՏՐՅԱՆ

Այս թեմայով «Դաբրոներ են» տվել Փաշինյանի աշխատակազմի նախկին ղեկավար Հարությունյանը, առողջապահության ոլորտը «վարած-ցանած» նախկին նախարար Արսեն Թորոսյանը, Կոտայքի մարզպետ Ահարոն Սահակյանն ու ՏԿԵ նախարար Դավիթ Խուդաթյանը Հորդորում եմ` այս ընթացքում խմելու և կենցաղային նպատակներով օգտագործել միայն համայնքի կողմից տրամադրվող ջուրը կամ շշալցված տարբերակը. նախարար Էդիկ Մինասյանը տնային կալանքից ազատ է արձակվել Իրանն առաջին անգամ հրապարակել է տեսանյութ, որտեղ ԻՀՊԿ-ն հարվածում է Հորմուզի նեղուցն ապօրինի հատող նավերին (Տեսանյութ) Ուկրաինան պատրաստ է բանակցությունների, բայց ոչ իր տարածքային ամբողջականության կորստի. ԱԳ նախարար