«Աշխարհում ռուսաֆոբիայի համար լրագրողներ են մեղավոր». Իոսիֆ Կոբզոն (տեսանյութ)

ԽՍՀՄ ժողովրդական արտիստ, ԽՍՀՄ պետական մրցանակի դափնեկիր, բարիտոն ԻՈՍԻՖ ԿՈԲԶՈՆԸ կրկին Հայաստանում է: Այս անգամ ռուս երգչին մեր երկիր է բերել բարեգործական համերգը, որը կկայանա այսօր Արամ Խաչատրյան համերգասրահում:

Լրագրողների հետ հանդիպմանը Ի. Կոբզոնը շեշտեց, որ ինքն իրեն հյուր չի համարում մեր երկրում. «Ես հաճախ եմ լինում այստեղ եւ ուրախ առիթներով` Հայաստանն իմ երկրորդ տունն եմ համարում:  Բայց յուրաքանչյուր այցիս ընթացքում ես «տխուր» վայրեր էլ եմ այցելում, դրանք իմ հայ ընկերներիս շիրիմներին, սիրում եմ այցելել նաեւ Առնո Բաբաջանյանի հուշարձանին, քանի որ ոչ մի տեղ նման էմոցիոնալ հուշարձանի չեմ հանդիպել»,- ասաց երգիչն ու հավելեց որ այսօր կայանալիք բարեգործական համերգի տոմսերից ստացված ողջ հասույթը կփոխանցվի քաղցկեղով հիվանդ երեխաների բուժմանը: Ի դեպ, նա  նաեւ շեշտեց, որ իր հետ ողջ երեկո բեմում կլինեն հայ էստրադայի երգիչները, որոնք կկատարեն հայերեն եւ ռուսերեն երգեր:

80-ամյա արտիստը դիմելով հայ երիտասարդներին խորհուրդ տվեց չմոռանալ հայ կոմպոզիտորներին ու նրանց ստեղծագործությունները: Լրագրողների հետ հանդիպման ընթացքում Ի. Կոբզոնն անդրադարձավ արտիստներին շնորհվող կոչումներին, հայ ժամանակակից եւ արդեն լուսահոգի կոմպոզիտորներին, ինչպես նաեւ մեղադրեց հայ լրագրողներին` աշխարհում ստեղծված ռուսաֆոբ իրավիճակի համար. «Ռուսաֆոբությունն առաջացել է ձեր պատճառով, քանի որ համաշխարհային հանրությանը քիչ եք պատմում Խորհրդային Միության հաջողությունների… իհարկե, վատ չէ, որ Հայաստանը գոյություն ունի որպես առանձին պետություն, սակայն ոչ ոք Հայաստանին չի զրկել Ռուսաստանի ընկերը լինելու իրավունքից, եւ հակառակը՝ ոչ ոք Ռուսաստանին չի զրկել Հայաստանի ընկերը լինելու իրավունքից: Կարծում եմ՝ տեղեկատվական պատերազմում մենք պարտվել ենք լրագրողների պատճառով»:

Առավել մանրամասն` տեսանյութում.

ԼԻԼԻԹ ԵՂԻԱԶԱՐՅԱՆ

Հ.Գ. Ի. Կոբզոնի հայաստանյան այցի եւ տեղի ունեցած համերգի մասին առավել մանրամասն կարդացե՛ք տպագիր «Իրավունքի» առաջիկա համարում:

Այս թեմայով Դուք անառակ եք, անբարո, անսիրտ, անպատիվ ծախու կենդանիներ․ Կարին Տոնոյան Իսրայելում 9-ամյա հայ երեխայի վրա հարձակված տղամարդը ձերբակալվել է Երևանում մեկնարկում է «ՀԱՅ ՖԵՍՏ» 24-րդ կատարողական արվեստների միջազգային փառատոնը Ո՛չ Կառավարությունը պետք է դառնա եկեղեցական ժողով, ո՛չ Եկեղեցին՝ կառավարություն Վիրավոր իմ Հայաստան, դու դեռ ուղղելու ես քո ողնաշարը