Ո՞ր մշակույթի գործիչներն են կոչումների արժանացել

ՀՀ Անկախության տոնի առթիվ այսօր ՀՀ նախագահի նստավայրում տեղի է ունեցել պարգեւատրման արարողություններ: ՀՀ նախագահի կողմից պարգեւատրվել են տարբեր ոլորտների մի շարք ներկայացուցիչներ, այդ թվում նաեւ մշակութային ոլորտը ներկայացնող գործիչներ ` Հայաստանի Հանրապետության բարձրագույն պարգևներով՝ շքանշաններով և մեդալներով, ինչպես նաեւ պատվավոր կոչումներ:

Արվեստի բնագավառում ունեցած վաստակի համար Հայաստանի Հանրապետության վաստակավոր արտիստի պատվավոր կոչում է շնորհվել դերասան ՄԿՐՏԻՉ ԱՐԶՈՒՄԱՆՅԱՆԻՆ:

Հայաստանի Հանրապետության Անկախության տոնի առթիվ, երգարվեստի բնագավառում ունեցած վաստակի համար` երգիչ ՄՀԵՐ ՄԵՍՐՈՊՅԱՆԻՆ շնորհվել է Հայաստանի Հանրապետության վաստակավոր արտիստի կոչում:

Երգարվեստի բնագավառում ունեցած վաստակի համար` երգչուհի Սիրանուշ ՀԱՐՈՒԹՅՈՒՆՅԱՆԸ` ՍԻՐՈՒՇՈՆ արժանացել է Հայաստանի Հանրապետության վաստակավոր արտիստի կոչման:

Երգարվեստի բնագավառում ունեցած վաստակի համար` երգիչ Արամ ԵՂԻԱԶԱՐՅԱՆԸ` ԱՐԱՄԵՆ արժանացել է Հայաստանի Հանրապետության վաստակավոր արտիստի կոչման:

Պարարվեստի բնագավառում ունեցած վաստակի համար ՀՀ վաստակավոր արտիստի կոչում է շնորհվել նաեւ Ալ. Սպենդիարյանի անվան օպերայի և բալետի ազգային ակադեմիական թատրոնի մենապարուհի ՄԵՐԻ  ՀՈՎՀԱՆՆԻՍՅԱՆԻՆ:

Թատերական արվեստի բնագավառում ունեցած վաստակի համար դերասան ԱՐՏՈՒՇ ԱԼԵՔՍԱՆՅԱՆԻՆ շնորհվել է Հայաստանի Հանրապետության վաստակավոր արտիստի կոչում։

Թատերական արվեստի բնագավառում ունեցած վաստակի համար Գ. Սունդուկյանի անվան ազգային ակադեմիական թատրոնի դերասան ԱՐՄԵՆ ՄԱՐԳԱՐՅԱՆԻՆ շնորհվել է Հայաստանի Հանրապետության վաստակավոր արտիստի կոչում։

Թատերական արվեստի բնագավառում ունեցած վաստակի համար Վանաձորի Հ. Աբելյանի անվան պետական դրամատիկական թատրոնի դերասան ՎՐՈՒՅՐ ՀԱՐՈՒԹՅՈՒՆՅԱՆԻՆ շնորհվել է Հայաստանի Հանրապետության վաստակավոր արտիստի կոչում։

Թատերական արվեստի բնագավառում ունեցած վաստակի համար Գյումրու Վ. Աճեմյանի անվան պետական դրամատիկական թատրոնի դերասան ՍԱՄՎԵԼ ԽԱՉԱՏՐՅԱՆԻՆ շնորհվել է Հայաստանի Հանրապետության վաստակավոր արտիստի պատվավոր կոչում։

Թատերական արվեստի բնագավառում ունեցած վաստակի համար դերասանուհի ՄԱՅՐԱՆՈՒՇ ԳՐԻԳՈՐՅԱՆԻՆ շնորհվել է Հայաստանի Հանրապետության վաստակավոր արտիստի կոչում:

Երաժշտական արվեստի բնագավառում ունեցած վաստակի համար թավջութակահար ՆԱՐԵԿ ՀԱԽՆԱԶԱՐՅԱՆԻՆ շնորհվել է Հայաստանի Հանրապետության վաստակավոր արտիստի կոչում:

Երաժշտարվեստի բնագավառում ունեցած վաստակի համար դաշնակահարուհի ՑՈՂԻԿ ՄԽԻԹԱՐՅԱՆԻՆ շնորհվել է Հայաստանի Հանրապետության արվեստի վաստակավոր գործչի կոչում:

Մշակույթի բնագավառում ունեցած վաստակի համար գրող, երգահան, Գ. Սունդուկյանի անվան ազգային ակադեմիական թատրոնի տնօրենի խորհրդական ՍՏԵՓԱՆ ԴԱՎԹՅԱՆԻՆ շնորհվել է Հայաստանի Հանրապետության մշակույթի վաստակավոր գործչի կոչում:

Կինոարվեստի բնագավառում ունեցած վաստակի համար կինոռեժիսոր ՌՈՒԲԵՆ ՔՈՉԱՐԻՆ շնորհվել է Հայաստանի Հանրապետության արվեստի վաստակավոր գործչի պատվավոր կոչում:

Երաժշտարվեստի բնագավառում ունեցած վաստակի համար Ա. Սպենդիարյանի անվան օպերայի և բալետի ազգային ակադեմիական թատրոնի մեներգիչ ՀՈՎՀԱՆՆԵՍ ԱՅՎԱԶՅԱՆԻՆ շնորհվել է Հայաստանի Հանրապետության վաստակավոր արտիստի կոչում:

Պարարվեստի բնագավառում ունեցած վաստակի համար Ա. Սպենդիարյանի անվան օպերայի և բալետի ազգային ակադեմիական թատրոնի մենակատար ՍԵՎԱԿ ԱՎԵՏԻՍՅԱՆԻՆ շնորհվել է Հայաստանի Հանրապետության վաստակավոր արտիստի կոչում:

Երգարվեստի բնագավառում ունեցած վաստակի համար երգիչ ԱՐՏՈ ԹՈՒՆՋԲՈՅԱՋՅԱՆԻՆ շնորհվել է Հայաստանի Հանրապետության մշակույթի վաստակավոր գործչի կոչում:

Դերասան ՌԱՖԱՅԵԼ ՔՈԹԱՆՋՅԱՆԸ պարգևատրվել է «Հայրենիքին մատուցած ծառայությունների համար» 1-ին աստիճանի շքանշանով արվեստի բնագավառում ներդրած նշանակալի ավանդի համար։

Պարարվեստի բնագավառում ունեցած նշանակալի վաստակի համար պարուսույց, բալետմայստեր ԱՐՏՅՈՒՇԱ ԿԱՐԱՊԵՏՅԱՆԻՆ շնորհվել է Հայաստանի Հանրապետության ժողովրդական արտիստի կոչում:

Երաժշտական արվեստի բնագավառում ունեցած նշանակալի վաստակի համար դուդուկահար, «Շողակն» ավանդական համույթի մենակատար ԳԵՎՈՐԳ ԴԱԲԱՂՅԱՆԻՆ շնորհվել է Հայաստանի Հանրապետության ժողովրդական արտիստի կոչում:

Երաժշտարվեստի զարգացման գործում ներդրած նշանակալի ավանդի, երկարամյա նվիրումի, ինչպես նաև հայկական մշակույթն աշխարհում արժանավայել ներկայացնելու համար դուդուկահար ՋԻՎԱՆ ԳԱՍՊԱՐՅԱՆԸ պարգևատրվել է «Հայրենիքին մատուցած ծառայությունների համար» 1-ին աստիճանի շքանշանով:

Երաժշտարվեստի զարգացման գործում ներդրած նշանակալի ավանդի, երկարամյա նվիրումի, ինչպես նաև հայկական մշակույթն աշխարհում արժանավայել ներկայացնելու համար Հայաստանի պետական ակադեմիական երգչախմբի գեղարվեստական ղեկավար և գլխավոր դիրիժոր ՀՈՎՀԱՆՆԵՍ ՉԵՔԻՋՅԱՆԸ պարգևատրվել  է «Հայրենիքին մատուցած ծառայությունների համար» 1-ին աստիճանի շքանշանով:

Արվեստի զարգացման գործում ներդրած ավանդի համար Երևանի Կոմիտասի անվան պետական կոնսերվատորիայի պրոռեկտոր ՄՀԵՐ ՆԱՎՈՅԱՆԸ պարգևատրվել է «Հայրենիքինն մատուցած ծառայությունների համար» 2-րդ աստիճանի մեդալով:

Երաժշտարվեստի բնագավառում ներդրած նշանակալի ավանդի համար կոմպոզիտոր ՌՈԲԵՐՏ ԱՄԻՐԽԱՆՅԱՆԸ պարգևատրվել է Պատվո շքանշանով:

Կերպարվեստի բնագավառում ներդրած նշանակալի ավանդի համար գեղանկարիչ ՌՈԲԵՐՏ ԷԼԻԲԵԿՅԱՆԸ պարգևատրվել է Պատվո շքանշանով:

Ստեղծագործող սերնդի կրթության և կինոարվեստի զարգացման գործում ներդրած ավանդի համար ԴԱՎԻԹ ՄՈՒՐԱԴՅԱՆԸ պարգևատվրել է «Հայրենիքին մատուցած ծառայությունների համար» 1-ին աստիճանի մեդալով:

Թատերական արվեստի զարգացման գործում ներդրած նշանակալի ավանդի համար Հ. Պարոնյանի անվան երաժշտական կոմեդիայի պետական թատրոնի գեղարվեստական ղեկավար ԵՐՎԱՆԴ ՂԱԶԱՆՉՅԱՆԸ պարգևատրվել է «Հայրենիքին մատուցած ծառայությունների համար» 1-ին աստիճանի շքանշանով:

Թատերական արվեստի զարգացման գործում ներդրած նշանակալի ավանդի համար Կ. Ստանիսլավսկու անվան ռուսական պետական դրամատիկական թատրոնի գեղարվեստական ղեկավար եւ գլխավոր ռեժիսոր ԱԼԵՔՍԱՆԴՐ ԳՐԻԳՈՐՅԱՆԸ պարգևատրվել է «Հայրենիքին մատուցած ծառայությունների համար» 1-ին աստիճանի շքանշանով:

Երաժշտարվեստի բնագավառում ներդրած նշանակալի ավանդի համար կոմպոզիտոր ՄԱՐՏԻՆ ՎԱՐԴԱԶԱՐՅԱՆԸ պարգևատրվել է «Հայրենիքին մատուցած ծառայությունների համար» 1-ին աստիճանի շքանշանով:

Կերպարվեստի զարգացման գործում ներդրած ավանդի համար Հայաստանի նկարիչների միության նախագահ ԿԱՐԵՆ ԱՂԱՄՅԱՆԸ պարգևատրվել է «Հայրենիքին մատուցած ծառայությունների համար» 1-ին աստիճանի մեդալով:

Մշակույթի բնագավառում ներդրած ավանդի համար կոմպոզիտոր, Երևանի Կոմիտասի անվան պետական կոնսերվատորիայի պրոֆեսոր ՆԱՐԻՆԵ  ԶԱՐԻՖՅԱՆԸ պարգևատրվել է Մովսես Խորենացու մեդալով:

ԼԻԼԻԹ ԵՂԻԱԶԱՐՅԱՆ

Այս թեմայով Անկախության օրը՝ ախմախ անակնկալներով Վիրավոր իմ Հայաստան, դու դեռ ուղղելու ես քո ողնաշարը Պատմությունը հզոր ուսուցիչ է, բայց դասեր քաղել դրանից մենք այդպես էլ չսովորեցինք Այսօր Հայաստանը նշում է Անկախության օրը Որ խելքներդ չի հասնում, ծպտուն մի հանեք․ ԲԱՄԲԱՍԱՆՔ