Ե՞րբ է երգը հիթ դառնում. երգիչ Հայկ Կասպարովը ներկայացնում է գերմանական փորձը

Արդեն մի քանի տարի է, ինչ Գերմանիայի Դորտմունդ քաղաքում է բնակվում երգիչ ՀԱՅԿ ԿԱՍՊԱՐՈՎԸ: Նա Եվրոպայում ունեցավ ե՛ւ ստեղծագործական ակտիվ շրջան, ե՛ւ դադար, ե՛ւ կրկին վերադարձ երգարվեստին: Սակայն ուշագրավ է այն, որ Հայկ Կասպարովը, թեպետ յուրացրեց գերմաներենը, բայց հավատարիմ մնաց հայերեն երգին ու հայ ունկնդիրներին՝ շարունակելով իր ոճի մեջ երգել մայրենի լեզվով: Իսկ թե ինչու նա անցում չկատարեց արտասահմանյան երգերի կատարումների՝ գրավելով տեղի լսարանին, «Իրավունքը» հետաքրքրվեց հենց նրանից:

- Տեղի լսարանի վրա աշխատել, նշանակում է ինքնախաբեությամբ զբաղվել: Այստեղ այդքան էլ հեշտ չէ, որովհետեւ պետք է ունենաս պայմանագիր շատ հայտնի պրոդյուսերական ընկերության հետ, որպեսզի քո երգը հայտնվի ռադիոներում: Իսկ թե ինչու հենց ռադիոներում, որովհետեւ Գերմանիայում երգը հիթ է դառնում այն ժամանակ, երբ այն հայտնվում է ռադիոներում: Գերմանիայի մեգաասստղերն այնպես չէ, որ Հայաստանի նման ամիսը մեկ տեսահոլովակ են նկարահանում, որ իրենք եւ իրենց երգերը ճանաչվեն, սիրվեն, այստեղ կարեւոր դեր ունի ռադիոն, որտեղ հայտնվում են նրանց երգերը: Այստեղ մարդիկ  այն հնարավորությունը չունեն, որ նստեն հեռուստացույցի առաջ եւ հետեւեն նոր երգերի պրեմիերաներին, նրանք միշտ ճանապարհների մեջ են, քանի որ աշխատանքի վայրը կարող է 200 կմ հեռու լինել ու ամեն օր այդպես գնում-գալիս են: Իսկ ճանապարհներին նրանք նախընտրում են ռադիո լսել, որտեղ հնչում են նոր երգեր՝  տարբեր ճաշակի, տարբեր լսարանի համար:  Այնպես որ, այստեղ Հայաստանի նման չէ, որ մեքենայի մեջ CD լսեն, Գերմանիայում միայն ռադիոալիքներն են երգը դարձնում հիթ:

ՀՐԱՆՏ ՍԱՐԱՖՅԱՆ

Այս թեմայով Հաջորդը լինելու է ստամբուլյան կոնվենցիան․ Հայկ Այվազյան Նիկոլի ռեպրեսիաների խորապատկերում՝ համախմբման նոր փորձ ՈՒՂԻՂ. Համախմբվում են որ ի՞նչ անեն․ Հայկ Բաբուխանյան Պետք է Խաչատուր Ալբերտիչի հետ հանդիպեմ․ ինչու են վտարում Մհեր Արմենիային բնակարանից Ուզում եք հարցը ջրել, ստեղծեք հանձնաժողով․ Հայկ Նահապետյան