Երբ ադրբեջանագետներն Ադրբեջանի համար դիվերսանտ են

Ադրբեջանական լրատվամիջոցները մեծ հիստերիա են բարձրացրել այն փաստից, որ ադրբեջաներենի նկատմամբ` Հայաստանում մեծ հետաքրքրություն կա: Ավելին` ըստ նրանց, Հայաստանը «դիվերսանտներ» է պատրաստում` ընդդեմ Ադրբեջանի: Ի վերջո, հայաստանյան բուհերում ադրբեջանագետներ, թե՞ «դիվերսանտներ» են պատրաստում, «Իրավունքը» հետաքրքրվեց ադրբեջանագետ ԱՇՈՏ ՄՈՎՍԻՍՅԱՆԻՑ, որը նախեւառաջ հիշեցրեց` Հայաստանում ադրբեջաներեն դասավանդվել է դեռեւս Խորհրդային Միության տարիներին:

– ԽՍՀՄ փլուզումից եւ արցախյան շարժումից հետո որոշ ժամանակով ընդհատվել է այդ լեզվի ուսուցանումը համալսարաններում: Սակայն այսօր, ի ուրախություն բոլորիս, Հայաստանի մայր բուհի երկու ֆակուլտետներում` Արեւելագիտության եւ Պատմության ֆակուլտետներում դասավանդվում է ադրբեջաներեն: Շատ ողջունելի է, որ այդ մասնագիտության պատվիրատուն նաեւ պետությունն է` ի դեմս ուժային գերատեսչությունների: Հայաստանն ու Ադրբեջանը գտնվում են կիսապատերազմական վիճակում, ուստի` մեր երկրում այդ լեզվի բարձր մակարդակով ուսուցանումն ու տիրապետումը շատ կարեւոր հարց է, եւ միայն մեզ մոտ չէ այդպես:

– Ի դեպ, ադրբեջանական քարոզչամեքենային մտահոգել է հատկապես այն, որ ԵՊՀ Արեւելագիտության ֆակուլտետի դեկանի տեղակալ Ռ. Մելքոնյանն ասել է, որ ադրբեջաներեն սովորող մի քանի ուսանողների ֆինանսավորում է պաշտպանության նախարարությունը: Ի վերջո, ինքներդ նաեւ դասավանդելով ադրբեջաներեն` ի՞նչ մասնագետներ եք պատրաստում ադրբեջանագետնե՞ր, թե՞ «դիվերսանտներ»:

– Այո, իսկապես ապրիլյան պատերազմից հետո ադրբեջաներենի հանդեպ թե՛ պետության, թե՛ հասարակության հետաքրքրությունը բարձրացել է: Պաշտպանության նախարարության պատվերով ԵՊՀ-ում պատրաստում են ոչ թե «դիվերսանտներ», ինչպես նշել է ալիեւյան քարոզչամեքենան, այլ ադրբեջանագետներ, որոնց խնդիրը այդ երկիրը ուսումնասիրելն է, իսկ լեզուն այդ գործի մեջ ուղղակի անհրաժեշտ գործիք է: Ինձ համար զարմանալի էր ադրբեջանական կողմի նմանատիպ արձագանքը, սա բնական գործընթաց է, որն ընթանում է նաեւ Ադրբեջանում: Նկատի ունեմ, որ այնտեղ եւս դասավանդվում է հայոց լեզու: Պետք է նաեւ նշեմ, որ ադրբեջաներենի ուսուցմամբ զբաղվում են անհատներ նույնպես, այդ  թվում` դասընթացներ են կազմակերպվում նաեւ Արցախում: Իսկ ուսուցմամբ զբաղվում են արհեստավարժ մասնագետներ, որոնց համար ադրբեջաներենը անգամ մայրենի լեզու է: Ես, որպես այդ լեզվի մասնագետ, չափազանց կարեւորում եմ ադրբեջաներենի ուսուցանումը մեր երկրում, եւ գոհացուցիչ է այն հանգամանքը, որ տարեցտարի ավելանում է այդ լեզվով հետաքրքրվողների թիվը: Մեր ուսանողները բավականին կարճ ժամանակահատվածում կարողանում են յուրացնել այդ լեզուն, ինչպես նաեւ խոսել եւ թարգմանել:

ՀՐԱՆՏ ՍԱՐԱՖՅԱՆ

Այս թեմայով Փաշինյանի տրանսֆորմացիան իրականում պայքար է այն հարցի շուրջ, թե Ռուսաստանը Հայաստանի համար լինելու է գործընկե՞ր, թե՞ համակարգային հենարան Ռուսաստանը կարող է հարձակվել ՆԱՏՕ-ի անդամ երկրի վրա առաջիկա ամիսներին. Դանիայի պաշտպանության նախարար Չէ՞, հա, իրո՞ք. Գեւորգ Սուջյանի պատասխանը Ալիեւին Ուկրաինայում դադարեցրել են պայմանագրային զինծառայողներին վճարելը. Ռադայի պատգամավոր ՇՏԱՊ. Հայաստանի կառավարությունը վարձել է արեւմտյան լոբբիստական գործակալություն