7 ուշագրավ փաստ՝ ծագումով ադրբեջանցի, ծնունդով իրանցի երգչուհի Գուգուշի մասին  (Տեսանյութ)

«Իրավունքն» անդրադարձել էր, որ ծագումով ադրբեջանցի, բայց ծնունդով իրանցի հայտնի երգչուհի եւ դերասանուհի ԳՈՒԳՈՒՇԸ (իսկական անունը՝ Ֆաիգե Աթեշին) պատրաստվում է օգոստոսի 31-ին Երեւանում մենահամերգ ունենալ, ինչի մասին նա նշել է սոցցանցում՝ իր պաշտոնական էջում:

Այս լուրը պարզվում է՝ ոչ միանշանակ է ընդունվել հայկական տիրույթում, ինչի համար հարկ ենք համարում ընդգծել մի քանի կարեւոր փաստ Գուգուշի մասին.

1. Գուգուշի անունը ներառված է Բաքվի «սեւ ցուցակում»։

2. Երգչուհին, թեպետ չի հերքում, որ հայրն ադրբեջանցի է, սակայն երբեք չի հպարտացել դրանով, այլ իրեն համարում է իրանցի:

3. 2011թվականին Գուգուշը հրաժարվեց Բաքու գնալ, քանի որ ընկերը հայ է, իսկ նրան ստիպում էին առանց ընկերոջ այցելել Ադրբեջան:

4. Նա իր մեծ հեղինակությամբ՝ տարիներ շարունակ համարվել է Արեւելքի Թինա Թյորները:

5. Չնայած նրան, որ նա Իրանում մեծ ժողովրդականություն է վայելում, Իսլամական հեղափոխությունից հետո՝ 1979 թվականից նրան արգելել են ելույթ ունենալ Իրանում, ուստի՝ նրա երեւանյան մենահամերգը նշանակում է, որ հարեւան Իրանից մեծ թվով զբոսաշրջիկներ կժամանեն Երեւան՝ հենց Գուգուշի համար:

6. Նրա «Ղարիբի Աշինա» երգը 2002 թվականին BBC կողմից ճանաչվել է որպես Միջին Ասիայի ամենահայտնի երգ։

7. Եվ վերջապես՝ Գուգուշը երգում է ոչ միայն պարսկերեն, ադրբեջաներեն, անգլերեն, իտալերեն, իսպաներեն և ֆրանսերեն, այլեւ հայերեն, ինչը խիստ ցավոտ են ընդունում Ադրբեջանում:

ՀՐԱՆՏ ՍԱՐԱՖՅԱՆ

Այս թեմայով Իրանի գլխավոր օդանավակայանը շարունակում է լիարժեք գործել՝ չնայած ԱՄՆ պատժամիջոցներին Իրանը չի վստահում ԱՄՆ-ի հետ բանակցություններին՝ հարձակումներից և պատժամիջոցներից հետո Աշխարհը գտնվում է գլոբալ նավթային ճգնաժամի եզրին՝ ԱՄՆ-Իրան երկարատև պատերազմի պատճառով. Bloomberg Իրանի հետ հակամարտությունն ԱՄՆ-ի վրա արժեցել է 45.1 մլրդ դոլար ԱՀԾ ղեկավար Քրիստիննե Գրիգորյանը մեկնել է Ադրբեջան՝ մասնակցելու Բաքվի անվտանգության 4-րդ ֆորումին