Մարդու աչքի մեջ հայտնաբերված սուպերբջիջները կարող են խոչընդոտել Էբոլա վիրուսի բազմացմանը

Ֆլինդերսի համալսարանի (Ավստրալիա) եւ Էմորիի համալսարանի (ԱՄՆ) հետազոտողները մարդու աչքի մեջ բջիջներ են հայտնաբերել, որոնք կարող են զսպել Էբոլայի կենսունակ վիրուսը, սակայն չեն կարող թույլ չտալ նրան բազմանալ: Մասնագետների խոսքով՝ այս սուպերբջիջները հոսքագծի կամ շտեմարանի նման են աշխատում, որը կանխում է վիրուսի տարածումը: Գիտնականների միջազգային խումբն այս հայտնագործությունը կատարել է մարդկանց աչքերի մեջ վիրուսի գոյության մեխանիզմները հետազոտելիս, որոնք տառապում են ուվեիտով՝ աչքի անոթային թաղանթի բորբոքմամբ, որը Էբոլա տենդի ամենածանր բարդություններից մեկն է, ըստ որում՝ աչքի էպիթելային հյուսվածքում կենսունակ վիրուսը հնարավոր է հայտնաբերել վարակվելուց հետո 1 տարվա ընթացքում: Հետազոտողները ցույց են տվել, որ Էբոլան բազմանում է ցանցաթաղանթի պիգմենտային էպիթելի բջիջներում, սակայն այս բջիջները կարող են վիրուսի դեմ պայքարել եւ նույնիսկ զսպել նրա բազմացումը: Այսինքն՝ ուվեիտի պատճառը կարող է լինել կենսունակ վիրուսների պարզ կուտակումը, որոնք չեն կարողանում դուրս գալ էպիթելի սահմաններից: Այս պահին դեռեւս հասկանալի չէ, թե հատկապես ինչն է վիրուսների բազմանալուն խանգարում եւ ինչպիսին է ինֆեկցիայի տարածմանը աչքի էպիթելային հյուսվածքի հակազդման մեխանիզմը, սակայն գիտնականները հույս ունեն հասկանալ էպիթելերի աշխատանքը, որի արդյունքում հնարավոր կլինի դեղ ստեղծել, ինչը կզսպի հիվանդության զարգացումը, որը տասնյակ հազարավոր մարդկանց կյանք է խլել:

Այս թեմայով Արդյո՞ք քաղաքացին կարող է խանութում ինքնուրույն գնահատել գնվող կաթնամթերքի անվտանգությունը․ Մասնագետը փաստում է՝ ոչ Ռուբիոն հերքել է Թրամփի վարչակազմը լքելու մասին լուրերը Պատերազմի սկզբից արդեն խախտվել էր պատերազմի «այբուբենը». Նոյեմբերի 9-ին պայմանագրից 6 տարի անց Հայտնի իրավապաշտպանը հրատապ հայտարարությամբ է հանդես եկել Պուտինը, Թրամփը և Սի Ցզինպինը կարող են հանդիպել ԱԽՏՀ գագաթնաժողովում. Bloomberg