«Իրավունք» թերթի տպագիր համարներ

Նորայր Մեհրաբյան, Դուք արժանի էիք արվեստագետին վայել հրաժեշտի․ Մանո Գրիգորյանի հուզիչ խոսքը

«Այսօր հրաժեշտ տվեցինք մեծ արվեստագետի, պարարվեստի բացառիկ ներկայացուցիչ Նորայր Մեհրաբյանին…
 
Բայց այսօր իմ ցավը միայն կորստի ցավը չէ։ Այն կրկնակի ու եռակի է՝ այն ամենի պատճառով, ինչի ականատեսը դարձա նրա վերջին ճանապարհին…
Ցավալի է գիտակցել, որ մարդը կարող է իր ամբողջ կյանքը նվիրել արվեստին, իր տաղանդով, աշխատանքով ու նվիրումով սերունդներ կրթել, իր հետևից թողնել բազմաթիվ աշակերտներ, մշակութային ժառանգություն, տարիների ստեղծագործական պատմություն, իսկ կյանքի վերջին ճանապարհին արժանանալ մի վերաբերմունքի, որն այնքան հեռու էր իր թողած մեծությունից։
 
Նրա վերջին ելույթի խոսքերը դեռ հնչում են մտքումս. «Ես եկա, հիմա գնում եմ»։ Այո՛, նա եկավ, ապրեց, ստեղծագործեց, փոխանցեց իր գիտելիքը, իր հոգին ու իր ամբողջ էությունը պարարվեստին։ Եվ հիմա գնում է՝ թողնելով իր հետևից մարդկանց, որոնց մեջ շարունակվելու է իր արվեստը։ Բայց մի հարց ինձ հանգիստ չի տալիս. իսկ մենք ի՞նչ ենք վերադարձնում այն մարդկանց, ովքեր իրենց կյանքն են տվել մեզ, մեր մշակույթին, մեր ինքնությանը…
Ինչո՞ւ ենք հաճախ մարդու արժեքը չափում նրա հանրային ճանաչվածությամբ, պաշտոնով կամ աղմուկով, այլ ոչ թե նրա թողած ժառանգությամբ, իր ստեղծած արժեքով ու սերունդների վրա ունեցած ազդեցությամբ։
 
Արդյո՞ք մեծ արվեստագետին պետք է մեծարել միայն կենդանության օրոք, իսկ վերջին ճանապարհին մոռանալ այն ամենը, ինչ նա տվել է։ Նման արվեստագետին պետք էր ճանապարհել արվեստով։ Այն երաժշտությամբ, որի ներքո նա ստեղծագործել է… Պետք էր ճանապարհել ծափահարություններով, արժանապատիվ հրաժեշտով, իր աշակերտների ներկայությամբ, նրանց շնորհակալությամբ ու խոնարհումով։ Որովհետև սա պարզապես մարդու հրաժեշտ չէր։ Սա մի ամբողջ ստեղծագործական կյանքի, մի մշակութային ճանապարհի հրաժեշտ էր։
 
Եվ հատկապես ցավալի է, երբ մտածում ես, թե որքան մարդիկ են տարիներ շարունակ նրա գիտելիքից, աշխատանքից ու արվեստից ստացել, բայց այսօր չկարողացան իրենց ներկայությամբ արժևորել իրենց ուսուցչի վերջին ճանապարհը։
 
Ես չեմ խոսում միայն մարդկանց ներկայության կամ բացակայության մասին։ Խոսում եմ վերաբերմունքի, գիտակցության, մշակութային հիշողության և արժեքների մասին։ Մշակույթը միայն բեմը չէ, միայն ներկայացումները, փառատոները կամ գեղեցիկ խոսքերը չեն։ Մշակույթը նաև այն է, թե ինչպես ենք վերաբերվում մեր մեծերին, ինչպես ենք գնահատում նրանց վաստակը և ինչպես ենք ճանապարհում նրանց։
 
Ժողովուրդը մեծ է ոչ միայն իր ստեղծած արվեստով, այլև իր արվեստագետների հանդեպ ունեցած վերաբերմունքով։ Մենք հաճախ ասում ենք՝ գնահատե՛ք մարդուն կենդանության օրոք։ Բայց ես կավելացնեմ՝ գնահատե՛ք նրան նաև վերջին ճանապարհին։ Թույլ մի՛ տվեք, որ նրա կյանքի մեծությունը փոքրացվի ձեր անտարբերությամբ․․․
 
Նորայր Մեհրաբյան, Դուք արժանի էիք արվեստագետին վայել հրաժեշտի։
Ձեր արվեստը, Ձեր աշակերտներն ու Ձեր թողած հետքը կմնան։ Իսկ այսօր մեզանից յուրաքանչյուրը պետք է մի պահ կանգ առնի ու ինքն իրեն հարց տա՝
ԻՆՉ ԱՐԺԵՔՆԵՐԸ ԵՆՔ ՄԵՆՔ ԻՐԿՆԱՆՈՒՄ պահպանում և փոխանցում հաջորդ սերունդներին…
 
P.S - Շնորհակալություն Ձեզ, մեծ Ուսուցիչ, մեծ Մարդ, Մարդ-Երևույթ, այն ամենի համար, ինչ տվել եք մեզ, արվեստին ու սերունդներին։
Եվ ներողություն… 
 
ներողություն այն բանի համար, որ Ձեզ՝ նման մեծության տեր արվեստագետին, չկարողացանք ճանապարհել Ձեր վաստակին ու մեծությանն արժանի ձևով։
 
Ցավոք, այսօր Ձեր մեծության կողքին մեր վերաբերմունքը շատ փոքր էր…
Հանգչեք խաղաղությամբ։ Ձեր արվեստը կմնա։ Հավերժ փառք Ձեր հիշատակին», - գրել է դերասանուհի ՄԱՆՈ ԳՐԻԳՈՐՅԱՆԸ։
Թքե՛ք այդ մանդատների վրա, պահել եք որ ի՞նչ․ Հայկ Բաբուխանյան ՍԻՄ նախագահը կուսակցության գրասենյակում ընդունել է ՄԱՍԿ նախագահին ՍԻՄ նախագահը հանդիպել է ՀԺԿ կուսակցության ղեկավարի հետ «Արդյո՞ք ԵՄ-ն դեռ կլինի 20 տարի անց։ Ի՞նչ կլինի Հայաստանի հետ, ԵԱՏՄ-ի հետ». Հայկ Բաբուխանյան Փաշինյանը շարունակում է հետապնդել «Իրավունք» թերթի կայքը ՈՒՂԻՂ. Նիկոլի բանանը, Ալենի ոտքերն ու ընդդիմության անձեռոցիկները. ՀԱՅԿ ԲԱԲՈԻԽԱՆՅԱՆ Նոյեմբերի 9-ի հայտարարության կատարման դեպքում Արցախը կունենայինք, ԹՐԻՓՓ-ն էլ չէր լինի․ Հայկ Բաբուխանյան ՈՒՂԻՂ. Համախմբվում են որ ի՞նչ անեն․ Հայկ Բաբուխանյան ՈՒՂԻՂ․ Ինչու իրար ծեծեցին ուժեղներն ու դուխովները․ Հայկ Բաբուխանյան Նեոնացիզմի փաստաբան «կատակասեր» Սարիկը ՇՆՈՐՀԱՎՈՐԱՆՔ Տեղի ունեցավ ՍԻՄ կուսակցության 29-րդ համաժողովը ՑԱՎԱԿՑԱԿԱՆ ՈՒՂԻՂ․ Ի՞նչ ճանճ է կծել Նիկոլին․ Հայկ Բաբուխանյան Նիկոլի Արցախից հրաժարվելը տեղի ունեցավ Եվրամիության , հատկապես Ֆրանսիայի, ճնշման ներքո Ամենագաղափարական ընդդիմությունը մենք ենք․ Հայկ Բաբուխանյան ՈՒՂԻՂ. Նիկոլը յավաշ֊յավաշ ու կհանձնի Հայաստանը. Հայկ Բաբուխանյան Սա պատերազմ է հայ հավատացյալ ժողովրդի դեմ․ Հայկ Բաբուխանյան Քոչարյանական դաշինքը ոտնահարում է ոչ միայն Ղրիմի, այլեւ Արցախի իրավունքը Սրանից ավել էլ ի՞նչ անեն, հոգևորականներին կախե՞ն ծառից, գնդակահարե՞ն նրանց․ Հայկ Բաբուխանյան Ժողովուրդ ջան, մեր երկիրը մազից է կախված, եկեք փորձենք փրկել․ Հայկ Բաբուխանյան Ժողովուրդը պետք է որոշի՝ ուզում է մնալ ԵԱՏՄ-ում, թե՞ գնալ Եվրամիություն․ Բաբուխանյան Եթե Փաշինյանը դավաճանա, ինչի՞ եք իր հետ նույն սեղանի շուրջ նստում․ Բաբուխանյան (տեսանյութ) ՀՀ-ում ստորագրահավաք է սկսվել արտաքին քաղաքական հարցով հանրաքվե անցկացնելու համար Պաշտպանենք Անկախության հռչակագրի յուրաքանչյուր տառը․ Հայկ Բաբուխանյանի կոչը կուսակցություններին