Ռուսաստանը պահանջել է, որ Բրիտանիան հրաժարվի Եվրոպայի միջուկային պաշտպանությունից. The Telegraph
ՄիջազգայինՌուսաստանը պահանջել է, որ Բրիտանիան հրաժարվի Եվրոպայի միջուկային պաշտպանությունից՝ որպես ուկրաինական կարգավորման մաս, հայտնում է The Telegraph-ը:
Ըստ բրիտանական հրատարակության, Մոսկվան Ուկրաինայի վերաբերյալ խաղաղության համաձայնագրի պայմանների ցանկում ներառել է Լոնդոնի կողմից եվրոպական երկրներին տրված միջուկային երաշխիքներից հրաժարվելը։
The Telegraph-ը հաղորդում է, որ Ռուսաստանը նաև ձգտում է ՆԱՏՕ-ի ուժերի դուրսբերմանը Արևելյան Եվրոպայից և Բալթյան երկրներից, Ֆինլանդիայի դուրսբերմանը Դաշինքից և Արևմտյան երկրների կողմից Ուկրաինայում զորքերի տեղակայումից հրաժարվելուն։
Այլ հնարավոր պահանջների թվում են Կիևին արևմտյան զենքի և ռազմական տեխնիկայի մատակարարման դադարեցումը, ինչպես նաև Ուկրաինայի ոչ դաշինքային կարգավիճակի ամրապնդումը։
Ըստ թերթի՝ Մոսկվան պատրաստ է քննարկել հրադադարի հարցը միայն այս պայմանների բավարարումից հետո։

