«Ժողովուրդ». Ալեն Սիմոնյանի՝ Երևանի քաղաքապետի ՔՊ թեկնածու դառնալու հեռանկարը կարծես թե սպառվեց

«Ժողովուրդ» օրաթերթը գրում է. «Ավինյանին քննադատող հայտնի տեսանյութի տարածումից և դրան հաջորդած՝ ԱԽ քարտուղար Ալեն Սիմոնյանի տեսաուղերձ-բացատրությունից հետո ՔՊ-ում կրքերը չեն հանդարտվել։

«Ժողովուրդ» օրաթերթի տեղեկություններով՝ ներքին շրջանակներում քննարկվում է, որ ստեղծված իրավիճակից հետո Ալեն Սիմոնյանի՝ Երևանի քաղաքապետի ՔՊ թեկնածու դառնալու հեռանկարը կարծես թե սպառվեց։ Այսինքն՝ ՔՊ-ում կարծիք կա, որ քաղաքապետի աթոռին հասնելու ճանապարհին Սիմոնյանը սեփական ձեռքով փակեց իր առաջխաղացման դուռը։

Չնայած որ ավագանու հաջորդ ընտրությունները 2028 թվականին են, բայց ՔՊ-ում քաղաքական վերադասավորումների հարցն արդեն սկսվել է։ Իսկ Սիմոնյանի վերջին քայլը ոչ թե ամրապնդեց նրա դիրքերը, այլ նոր հարցեր առաջացրեց սեփական թիմի ներսում։ Նման պահվածքը, մեղմ ասած, ոչ թիմային է որակվել ու հարուցել է ներկուսակցական զայրույթ։

Բայց սա դեռ ամբողջը չէ։ Երեկ նա կիսվեց Աննա Հակոբյանի՝ նույն թեման շարունակող երկրորդ տեսանյութով, բայց դրանից իրավիճակը չփոխվեց, ավելին՝ կուսակցության կուլիսներում տարածված կարծիք-տարակուսանք կա, որ Սիմոնյանը կամ առանց դիտելու է կիսվել 2-րդ տեսանյութով, կամ ուշադիր չի լսել (այդ պատճառով չի ընկալել), կամ կա անհայտ այլ պատճառ, քանզի, ըստ տարածված տեսակետի, երկրորդ նյութի քննադատության թիրախում նաև նա էր՝ դրանից բխող հետևանքներով»։

Առավել մանրամասն թերթի այսօրվա համարում

Այս թեմայով Սանկտ Պետերբուրգում մեկնարկել են Հայաստանի մշակույթի օրերը «Ժողովուրդ». Ալեն Սիմոնյանը ՔՊ-ում զայրույթ է առաջացրել ՏԻՄ համայնքների 30-ամյակի առթիվ՝ համայնքին և ՀՀ-ին նվիրված ծառայելու համար պատվոգրի է արժանացել Ալագյազ համայնքի ղեկավար Ջասմ Մախմուդովը Մանդատները՝ գրպանում, պայքարը՝ թղթի վրա Կալանավայրում սրտի կանգից մաhացել է «Ուժեղ Հայաստան»-ի Ստեփանավան համայնքի ղեկավարի թեկնածու Արսեն Գևորգյանը