Axios. Ամերիկացի միջնորդները շաբաթներ շարունակ փորձում էին համոզել Պուտինին՝ վերադառնալ բանակցություններին

Ըստ Axios-ի՝ ԱՄԷ-ում հանդիպումներից հետո Ուիտկոֆը և Քուշները կարող են մեկնել Կիև և Մոսկվա՝ Զելենսկու և Պուտինի հետ բանակցությունների համար։

ԱՄՆ պաշտոնյան լրատվամիջոցին ասել է, որ Թրամփի վարչակազմը զգալի առաջընթաց է ակնկալում բանակցություններում և հույս ունի կամուրջ կառուցել Ուկրաինայի և Ռուսաստանի միջև, հաղորդում է։

Նաեւ, որ վերջին երկու շաբաթների ընթացքում Ուիտկոֆը և Քուշներն ամեն օր, երբեմն մի քանի անգամ կապի մեջ են եղել ռուս և ուկրաինացի պաշտոնյաների հետ։ Իսկ մինչ այդ ամերիկացի միջնորդները շաբաթներ շարունակ փորձում էին համոզել Պուտինին՝ վերադառնալ բանակցություններին։

Սպիտակ տունը հույս ունի, որ ռուսական դիզելային վառելիքի վաճառքի վրա ԱՄՆ պատժամիջոցների վերացումը և Մոսկվային այլ զիջումները Կրեմլին ավելի պատրաստակամ կդարձնեն փոխզիջումների գնալու։

Միևնույն ժամանակ, երկու կողմերի դիրքորոշումները հիմնական հարցերի, հիմնականում տարածքային հարցերի վերաբերյալ, մնում են տարբեր։ Ռուսաստանի կողմից ուկրաինական քաղաքների վրա շարունակական հարվածները և հրադադարի չգալը նույնպես կասկածի տակ են դնում արագ համաձայնության հեռանկարները։

«Կա հնարավորություն զգալի առաջընթաց գրանցելու և փորձելու կամուրջ կառուցել տարաձայնությունների շուրջ։ Կողմերին բանակցությունների սեղանի շուրջ վերադարձնելը հեշտ չէր»,- ասել է ամերիկացի պաշտոնյան։

Այս թեմայով Ֆրանսիայի արտգործնախարար. Եվրոպան կմասնակցի Աբու Դաբիում Ռուսաստանի, ԱՄՆ-ի և Ուկրաինայի միջև բանակցություններին ԱԲ-ն գուշակ չէ. Տեղեկատվական անվտանգության փորձագետը զգուշացնում է Նրանք ուզում էին տանկերով գալ Բաքու, ուզում էին թեյ խմել Բաքվում, բայց մենք ցույց տվեցինք, թե ով, ով է․ Ալիև Նուռը հայկական խոհանոցում.«Անուշ լինի» հաղորդումը բաց չթողնեք Իրականում նոյեմբերի 9-ը չէր չարաբաստիկը, այլ նրա նախորդած 44 օրերը, 4 տարիները, 30 տարիները…