«Զանգեզուրի միջանցքում» սկսվում են տեխնիկական աշխատանքները․ Hurriyet

Թուրքական մերձիշխանական «Hurriyet» լրատվական կայքում հրապարակվել է «Զանգեզուրի միջանցքում սկսվում են տեխնիկական աշխատանքները» վերնագրով նյութ, փոխանցում է Ermenihaber.am-ը։

Նշվել է, որ ԱՄՆ-ի, Ադրբեջանի և Հայաստանի միջև ստեղծվել են եռակողմ տեխնիկական աշխատանքային խմբեր՝ «Թրամփի միջազգային խաղաղության և բարգավաճման երթուղին» (TRIPP) իրականացնելու համար, որը նախատեսվում է կապել Ադրբեջանը Նախիջևանի հետ՝ անցնելով Հայաստանի տարածքով։

ԱՄՆ-ի, Ադրբեջանի ու Հայաստանի պաշտոնյաներից և տեխնիկական փորձագետներից կազմված խմբերն առաջին փուլում կենտրոնանալու են տրանսպորտային և էլեկտրահաղորդման գծերի վրա։ ԱՄՆ նախագահ Դոնալդ Թրամփի միջնորդությամբ 2025-ի օգոստոսին Վաշինգտոնում ձեռք բերված համաձայնագրի համաձայն՝ նախագիծը նպատակ ունի Նախիջևանի միջոցով Ադրբեջանը Թուրքիային միացնել մոտ 43 կիլոմետրանոց երթուղիով, որը նախկինում հայտնի էր որպես «Զանգեզուրի միջանցք» անվամբ:

Նախատեսվում է, որ նախագծի շինարարությունը, որն ընդգրկում է երկաթուղային և ավտոմոբիլային ճանապարհներ, էներգետիկ ու թվային ենթակառուցվածքներ, կմեկնարկի 2027-ին։ Նախագծի մշակման և կառավարման համար պատասխանատու ընկերությունում ԱՄՆ-ին կպատկանի բաժնեմասերի 74%-ը, իսկ Հայաստանին՝ 26%-ը։

Այս թեմայով Ավարտվել են Հայաստանի հետ սահմանային անցակետերի բացման նախապատրաստական ​​աշխատանքները․ Ուրալօղլու 11։11. Ի՞նչ է ուզում ճակատագիրը մեզ ասել, կրկնվող թվերի օրը ՀՐԱՏԱՊ. պետական ինքնիշխանության հաշվին արված սխալի բեռը կարող է մնալ սերունդների ուսերին Ալիև․ «Զանգեզուրի միջանցքի նախագիծը Ադրբեջանի տարածքում ակտիվորեն իրականացվում է» ԶԳՈՒՇԱՑԵՔ. 08.08 հայելային օր է, լի բացահայտումներով