Էդմոն Մարուքյանը հավանաբար դիտումների կարիք ունի․ Կարապետ Պողոսյան

Ընդդիմադիր քաղաքական գործիչ, գյումրեցի իրավապաշտպան ԿԱՐԱՊԵՏ ՊՈՂՈՍՅԱՆԸ հարցում էր ուղարկել 15 քաղաքական ուժերի եւ խնդրել հստակ քաղաքական գնահատական տալ վերջին տարիներին տեղի ունեցած մի շարք ներքաղաքական եւ տարածաշրջանային գործընթացների վերաբերյալ։ Ի՞նչ արդյունք տվեցին այդ հարցումները, ո՞ր կուսակցությունները պատասխանեցին, եւ ինչպիսի՞ն էին նրանց տեսակետները, «Իրավունք»-ը հետաքրքրվեց Պողոսյանից։

— Մասնավորապես, հստակ պատասխաններ են տվել Հայաստանի Հանրապետական կուսակցությունը, «Ազգային անվտանգություն» կուսակցությունը եւ «Սահմանադրական իրավունք միություն» կուսակցությունը։ «Հայաքվեի» հետ ունեցել ենք բանավոր խոսակցություններ։ Մեր առաջ քաշած շատ հարցերի հետ նրանք համաձայն են: Բայց քանի որ իրենք քաղաքականությամբ շատ ավելի ուշ են զբաղվել, չցանկացան պատասխանել եւ քաղաքական գնահատականներ տալ 2018 թվականի ու 2016 թվականի գործողությունների վերաբերյալ։

«Լուսավոր Հայաստան» կուսակցության նախագահ Էդմոն Մարուքյանը շատ կարճ պատասխանեց, որ եթե ցանկանում ենք իմանալ իր եւ իր կուսակցության գնահատականները, պետք է հետեւենք իր հարցազրույցներին։ Ինձ թվում է՝ երեւի դիտումների կարիք ուներ, դրա համար նման պատասխան տվեց կամ ասելիք չուներ, կամ էլ ամաչում էր, չեմ կարող ասել՝ ինչ էր։ Համենայնդեպս, իրենից շատ ոչ քաղաքական պատասխան ենք ստացել։ Օրինակ՝ անցած օրը ԱԺ «Ուժեղ Հայաստան» խմբակցության ղեկավար Նարեկ Կարապետյանի կողմից հրավիրած հավաքի ժամանակ ՀԱԿ փոխնախագահ Լեւոն Զուրաբյանը խոստացավ անպայման պատասխանել, «Ազատություն» կուսակցության նախագահ Հրանտ Բագրատյանը նույնպես խոստացավ։

ՆԱՆԱ ՍԱՐԳՍՅԱՆ

Այս թեմայով Ո՞վ կղեկավարի Գագաուզիան. Մոլդովայում ընտրական պայքարը նոր երանգներ է ստանում Արդեն Փաշինյանի օրակարգի մեջ եք ու... պարտված․ Արա Պողոսյան Քննչական կոմիտեի նախագահի հայտարարությունը նույնպես հուշում է՝ Նիկոլի կամոք Մուսաեւը կարտահանձնվի Ադրբեջանին Նիկոլը հագնում է Ալիեւի կոստյումը․ Պողոսյան Կարեւոր է իմանալ` մյուս քաղաքական ուժերի դիրքորոշումը կապիտուլյանտի դիրքորոշումից տարբերվո՞ւմ է. Կարապետ Պողոսյան