«Ժողովուրդ». ՔՊ նախընտրական ցուցակից հեռացված Դավիթ Դանիելյան կցել են Կապանի ընտրություններին

«Ժողովուրդ» օրաթերթը գրում է. ««Ժողովուրդ» օրաթերթի տեղեկություններով՝ ԱԺ «Քաղաքացիական պայմանագիր» խմբակցության նախկին պատգամավոր Դավիթ Դանիելյանը, որը ներկուսակցական ընտրությունների ընթացքում խախտումների կասկածների պատճառով հեռացվել էր ՔՊ նախընտրական ցուցակից, այսօր ակտիվորեն ներգրավված է Կապանի համայնքապետի թեկնածու Նարեկ Բաբայանի առաջմղման գործընթացում։

Կուսակցության ներսում այդ հանգամանքը դիտարկվել էր որպես քարոզչության արգելքի խախտում։ Դանիելյանի թեկնածությունը չեղարկվել էր, և նա չմասնակցեց ընտրություններին՝ որպես պատգամավորի թեկնածու։

Սակայն կուսակցական ցուցակից հեռացումը չխանգարեց Դանիելյանին շարունակել ակտիվ կուսակցական գործունեությունը։ Մեր տեղեկություններով՝ այժմ նա ամենուր ներկայացնում է ՔՊ-ի՝ Կապանի համայնքապետի թեկնածու Նարեկ Բաբայանին՝ դառնալով նրա առաջմղման ակտիվ մասնակից։

«Ժողովուրդ» օրաթերթի իշխանական աղբյուրները փոխանցում են, որ Դանիելյանը Կապանում է հիմա «շրջագայում», փակ ու բաց հանդիպումներում ներկայացնում է Նարեկ Բաբայանին։ Իշխանությունները ներքին վստահություն արդեն ունեն, որ Բաբայանը չի կարողանալու հաղթանակ ապահովվել, ու քարոզ իրականացնողը ևս Կապանում ռեյտինգ չունի։

Կապանում ՔՊ-ի քաղաքական հաշվարկներն ու Դանիելյանի դերակատարությունը դեռևս սպասում են իրենց պատասխաններին։

Իսկ Դանիելյանի հաշվարկն այն է, որ Նարեկ Բաբայանի ընտրվելու դեպքում ինքը ևս կարողանա նոր պաշտոն ստանալ»։

Առավել մանրամասն թերթի այսօրվա համարում

Այս թեմայով Քաղաքական երեսպաշտությունն ու կեղծավորությունն իսկապես սահմաններ չունեն․ Դանիելյան Փաշինյանը բաց է թողել «ջինը շշից»․ ինչո՞ւ է սկսել նախընտրական արշավը. Բադալյան ԿԸՀ-ն հերթական համարներ է տրամադրել նոյեմբերի 29-ի ՏԻՄ ընտրություններին մասնակցող կուսակցություններին և դաշինքներին «Ուժեղ Հայաստանի» գյումրեցի պատգամավորը խնայեց մարզպետին Արթուր Դանիելյանի կալանքի դեմ պաշտպանական կողմի բողոքը դատարանը դեռ քննության չի առել