Հանրապետականները կկորցնեն մեծամասնությունը՝ զիջելով դեմոկրատներին․ Սարգսյան

ԱՄՆ-ում միջանկյալ ընտրություններ են, որոնց արդյունքներով որոշվելու է՝ արդյոք նախագահ Դոնալդ Թրամփի Հանրապետական կուսակցությունը կպահպանի՞ վերահսկողությունը Կոնգրեսի երկու պալատներում, թե՞ դեմոկրատները կկարողանան փոխել ուժերի հարաբերակցությունը։ Ինչ սպասել այս ընտրություններից, «Իրավունք»-ը պարզել է Ամերիկյան հետազոտությունների հայկական կենտրոնի հիմնադիր, քաղաքագետ-ամերիկագետ ՍՈՒՐԵՆ ՍԱՐԳՍՅԱՆԻՑ։

— Ամենայն հավանականությամբ, Ներկայացուցիչների պալատում հանրապետականները կկորցնեն մեծամասնությունը՝ զիջելով դեմոկրատներին։ Դրա մասին են վկայում ամենատարբեր նահանգներում անցկացված սոցհարցումներն ու հաշվարկները։

Ինչ վերաբերում է վերին պալատին՝ Սենատին, ապա, ի տարբերություն Ներկայացուցիչների պալատի, այստեղ սենատորների քանակը շատ ավելի քիչ է, ընդամենը 100 հոգի, եւ ընտրվում է ոչ թե ամբողջական կազմը, այլ մոտավորապես մեկ երրորդը՝ 35 սենատոր։ Հետեւաբար, այստեղ ձեւավորված է շատ մրցակցային միջավայր. կան նահանգներ, որտեղ հանրապետական եւ դեմոկրատ մրցակիցներն ունեն աջակցության գրեթե նույն տոկոսները՝ մոտավորապես 45-47 տոկոս։ Այսինքն՝ թվերը շատ մոտ են, եւ պայքարը չափազանց մրցակցային է լինելու։

Այստեղ, իհարկե, հավանականություն կա, որ հանրապետականները կկարողանան պահել վերահսկողությունը, բայց դա չափազանց բարդ է լինելու, որովհետեւ մրցապայքարը բավականին թեժ ու ծանր է։ Մոտավոր պատկերն այսպիսին է։

ՆԱՆԱ ՍԱՐԳՍՅԱՆ

Այս թեմայով Հայաստանի դիրքերը եղել ու լինելու են շատ թույլ. Սուրեն Սարգսյան Ինչպես կանգառներն ու գետնանցումը դարձան համայնքապետի ընտանիքի սեփականությունը. «Հետք» Այդ խարանը մնալու է ձեր վրա, դուք 60-70 հազար մարդու ուղարկել եք տուն. Սուրեն Պետրոսյան. տեսանյութ Սկանդալ. Սուրեն Պետրոսյանը հակադարձում է Բագրատ Սրբազանին Զինված ադրբեջանցու «փաստաբանները»