«Ժողովուրդ». 27 տարվա լռությունից հետո Ջհանգիրյանը խոսեց

«Ժողովուրդ» օրաթերթը գրում է. «Նախկին զինդատախազ Գագիկ Ջհանգիրյանի անսպասելի վերադարձը հանրային օրակարգ՝ Հոկտեմբերի 27-ի գործի նոր մանրամասներով, և Նիկոլ Փաշինյանի՝ հաջորդած հանձնարարությունը նոր հարցեր են առաջացնում։ Արդյո՞ք սա ազդակ է, որ Ռոբերտ Քոչարյանի շուրջ առաջիկայում նոր զարգացումներ են սպասվում։

Տարիներ շարունակ հանրային ուշադրությունից հեռու մնացած Գագիկ Ջհանգիրյանը հանկարծ հայտնվեց տեսադաշտում՝ Հոկտեմբերի 27-ի ահաբեկչության գործի վերաբերյալ հայտարարություններով, որոնք վերաբերում են ոչ միայն տարիներ առաջ տեղի ունեցած ողբերգությանը, այլև դրա չպարզաբանված հանգամանքներին։

Սրանք պարզապես հին պատմության դրվագներ չեն, եթե դրանց հիմքում կան փաստաթղթեր ու ստուգման ենթակա տեղեկություններ։ Դրանք կարող են նորից օրակարգ բերել այն հարցը, որը տարիներ շարունակ հետապնդել է Հոկտեմբերի 27-ի գործը՝ արդյո՞ք հայտնի են եղել բոլոր հանգամանքները, և արդյո՞ք ամբողջությամբ պարզվել է հնարավոր պատվիրատուների հարցը։

«Ժողովուրդ» օրաթերթին իշխանական աղբյուրներից փոխանցում են, որ Հոկտեմբերի 27-ի գործի որոշ դրվագներ առաջիկայում նոր քննության առարկա կդառնան, իսկ արդյո՞ք դրանց ուսումնասիրությունը կարող է անդրադառնալ Ռոբերտ Քոչարյանի շուրջ քաղաքական ու իրավական նոր հետապնդման, ցույց կտա ժամանակը։

Եթե այս հարցերի վերաբերյալ ի հայտ գան նոր փաստաթղթեր կամ վկայություններ, դրանք կարող են էական նշանակություն ունենալ գործի չպարզաբանված դրվագների ուսումնասիրության համար։ Իսկ, եթե փաստերը չհաստատվեն, դա նույնպես պետք է հստակ արձանագրվի։

Քաղաքական առումով, սակայն, արդեն իսկ ակնհայտ է, որ Հոկտեմբերի 27-ի թեման կրկին հայտնվել է ուշադրության կենտրոնում, և Ռոբերտ Քոչարյանի անվան շուրջ նոր հարցադրումները կարող են շարունակվել»։

Մանրամասները՝ «Ժողովուրդ» օրաթերթի այսօրվա համարում։

Այս թեմայով Հրաժարվիր կինոյի տղա լինելուց՝ դու չես կարող դեւի դեմն առնել մենակ քո փողերով․ Աղազարյանը՝ ուժեղների շեֆին Ռուսական հրթիռային հարձակումից հետո Դնեպրոպետրովսկն ամբողջությամբ մթության մեջ է ընկղմվել Եվրոպական հանձնաժողովը դեմ էր «Հյուսիսային հոսք» գազատարի վերագործարկմանը նույնիսկ Ուկրաինայում հակամարտության ավարտից հետո «Մենք մեր սերը ցույց ենք տվել այնպես, ինչպես այն կար». բլոգեր Միլենա Պետրոսյանը արձագանքել է ամուսնու մահից հետո առաջացած ատելությանը ԱՄՆ վիզայի տրամադրումից հետո ստուգումները չեն ավարտվում