Բոնուսի սեփականատիրոջ ինքնասպանության գործի շրջանակներում «Սպայկայի» ղեկավարին և գործարար Նարեկ Նալբանդյանին մեղադրանք է առաջադրվել

Բոնուսի սեփականատիրոջ ինքնասպանության գործի շրջանակներում «Սպայկայի» ղեկավարին և գործարար Նարեկ Նալբանդյանին մեղադրանք էառաջադրվել Ամիսներ առաջ նախնական վարկածի, ինքնասպան էր եղել «Բոնուս» սուպերմարկետների ցանցի հիմնադիր տնօրեն Անդրանիկ Մուրադյանը։ ՀՀ քննչական կոմիտեն հայտնել էր, որ դեպքի առթիվ նախաձեռնվել է քրեական վարույթ՝ Քրեական օրենսգրքի 162-րդ հոդվածի 1-ին մասով (ինքնասպանության հասցնելը)։ Նշանակվել է դիակի դատաբժշկական փորձաքննություն։

ArmLur.am-ի հետ զրույցում ինքնասպան եղած «Բոնուս» սուպերմարկետների ցանցի հիմնադիր տնօրեն Անդրանիկ Մուրադյանի աներձագը՝ Արշավիր Հարությունյանը, մանրամասներ է պատմում, թե ինչ է կատարվում իրենց բիզնեսի շուրջ։ Վերջինս մեզ հետ զրույցում կոնկրետ անուններ է տալիս, թե ինչ իրավիճակի են իրենց հասցրել որոշ անձինք։ Մասնավորապես, «Բոնուս» սուպերմարկետների ցանցի հիմնադիրներից Արշավիր Հարությունյանը նշում է «Սպայկա» ընկերության հիմնադիր Դավիթ Ղազարյանի և ՔՊ-ի սրտի գործարար Նարեկ Նալբանդյանի անունները ու հայտարարում․ «Կանգնեցրեք նրանց, 7 ամիս է՝ դժոխքի մեջ ենք, շանտաժով բիզնես են խլում»։

«Վարչապետին անձամբ նամակ եմ գրել, հայտնել եմ, թե ինչեր են անում։ ՀՀ վարչապետ Նիկոլ Փաշինյանը անձամբ արձագանքել է իմ նամակին, որից հետո ՀՀ քննչական կոմիտեում հարուցվել է քրեական գործ, և ես տուժող եմ ճանաչվել»։ Ըստ Արշավիր Հարությունյանի՝ անգամ հունիսի 7-ի ընտրություններից առաջ նա քարոզարշավի ժամանակ անձամբ տեսել է ՀՀ վարչապետին և հիշեցրել, որ իրեն նամակ է ուղարկել, իսկ գործին արդեն ընթացք է տրվել։ Սակայն, ինչպես նկատում են, ՀՀ քննչական կոմիտեում քրեական գործ հարուցված է եղել, և վարույթի շրջանակում հարցաքննվել է գործարար Նարեկ Նալբանդյանը։ Այդուհանդերձ, «Բոնուս» սուպերմարկետների ցանցի հիմնադիր տնօրենին գտել են, ըստ նախնական վարկածի, ինքնասպան եղած։ Թե ով կամ ովքեր են նրան հասցրել այդ վիճակին, հուսանք՝ այս հարցի պատասխանը կտա նախաքննական մարմինը։

Արդյունքում Այսօր Գլխավոր դատախազությունը հայտնեց ,որ Քրեական վարույթի շրջանակում դատախազը հանրային քրեական հետապնդում է հարուցել Ն.Ն.-ի նկատմամբ՝ Քրեական օրենսգրքի 284-րդ հոդվածի 3-րդ մասի 3-րդ կետով (առանձնապես խոշոր չափերի գույքային վնաս պատճառելու նպատակով հակամրցակցային գործունեությունը) և Դ.Ղ.-ի նկատմամբ՝ Քրեական օրենսգրքի 284-րդ հոդվածի 3-րդ մասի 3-րդ կետով (առանձնապես խոշոր չափերի գույքային վնաս պատճառելու նպատակով հակամրցակցային գործունեությունը) և 258-րդ հոդվածի 3-րդ մասի 3-րդ կետով (առանձնապես խոշոր չափերով շորթում):

Այս թեմայով Ծաղկաձորում հաղթեց ՔՊ-ն Փաշինյանը գնալու է արտահերթի, որովհետև գիտի՝ ՌԴ-ն գալու է գազի գնի հետևից, Ալիևը՝ սահմանադրության Աշտարակում սպանվածը հայտնի է եղել քրեական շրջանակներում․ նոր մանրամասներ Պետական համակարգը, համայնքային բյուջեն չենք ծառայեցնելու` ինչ-որ մեկի նեղ շահի համար. Ջերմուկ խոշորացված համայնքի ղեկավարի թեկնածու Թող Երևանը դառնա քաղաքական նոր վճռականության հանգրվան, թող սա լինի պահ, երբ խոսքից անցնում ենք գործի. վարչապետ