Արգենտինայում ջրհեղեղների պատճառով կան զոհեր և հազարավորներ տարհանվածներ

Արգենտինայի հյուսիս-արևելքում տեղի ունեցած ջրհեղեղների հետևանքով զոհվել է երկու մարդ, ավելի քան 2 հազար բնակիչներ ստիպված են եղել լքել տները։ Այս մասին տեղեկացնում է արգենտինական Página/12 թերթը։

Նշվում է, որ հորդառատ անձրևների պատճառով Պարանա, Ուրուգվայ և Իգուասու գետերում ջրի մակարդակը շարունակում է բարձրանալ՝ վտանգելով Բրազիլիայի, Պարագվայի և Ուրուգվայի սահմանամերձ շրջանների բնակավայրերը:

Նշվում է, որ Չակո նահանգում ջրհեղեղի պատճառով տարհանվել է 1,2-1,3 հազար մարդ։ Հարևան Կորիենտես նահանգում ևս ավելի քան հազար բնակիչներ լքել են իրենց տները։

Պասո-դե-լա-Պատրիա քաղաքում՝ Պարանա գետի ափին, ջուրը հեղեղել է մի քանի թաղամաս այն բանից հետո, երբ պաշտպանական ամբարտակը չի դիմացել գետի հոսքի ճնշմանը։ Կորիենտեսում նաև զոհվել են երկու գյուղատնտեսական աշխատողներ․ նրանք խեղդվել են՝ անասուններին կղզիների միջև տեղափոխելիս, որպեսզի կենդանիներին փրկեն ջրհեղեղից։

Միսիոնես նահանգում փոթորիկները վնասել են ավելի քան 100 տուն, վարարած առուները հանգեցրել են ճանապարհների և կամուրջների փակման։

Տուժել է նաև Իգուասու ջրվեժների շրջանը Արգենտինայի և Բրազիլիայի սահմանին։

Նշվում է, որ իշխանությունները նախազգուշացրել են, որ հաջորդ շաբաթ ջրի մակարդակը կարող է էլ ավելի բարձրանալ Պարանայի և Ուրուգվայի վերին հոսանքներում սպասվող տեղումների պատճառով։

Ըստ աղբյուրի՝ իրավիճակը զարգանում է Էլ Նինյոյի ազդեցության ֆոնին՝ կլիմայական երևույթ, որը կապված է Խաղաղ օվկիանոսի հասարակածային հատվածի մակերևութային ջրերի ջերմաստիճանի անոմալ բարձրացման հետ։

Այս թեմայով Հղիության պատճառով լքում է խումբը․ պարզվել է՝ երգչուհին իրական չէ Կոլոմոյսկի. Ուկրաինայի կառավարությունը շահագրգռված չէ խաղաղությամբ՝ տնտեսական փլուզման և բանակում ապստամբությունների սպառնալիքի պատճառով Բրիտանացիներին կոչ են անում սննդի և ջրի պաշարներ կուտակել. The Guardian «Ժողովուրդ». Կան ՍԴ նախագահի ընտրության նոր սցենարներ Էդքան փողով, որն երևում է կադրում, երևի Ստեփանավանում էդպիսի շտաբի շենք կառնես, ոչ թե շտաբի համար ինչ-որ բաներ