ԳՅՈՒՄՐԻՈՒՄ ԿԱՅԱՑԵԼ Է ԾԱՆՐՈՐԴՆԵՐԻ ԲԱՑ ՄԱՐԶՈՒՄԸ ԱԱ֊ԻՑ ԱՌԱՋ

Ծանրամարտի Հայաստանի տղամարդկանց և կանանց հավաքականները պատրաստ են Աշխարհի առաջնությանը, որը առաջին վարկանշային մրցաշարն է լինելու Լոս Անջելես 2028 ՕԽ համար։

Հայաստանի հավաքականները երեկ հոկտեմբերի 23֊ին բաց մարզում անցկացրեցին, որին ներկա է գտնվել նաև Iravunk. com -ի մարզական լրագրողը։ Բաց մարզմանը մասնակցում էին հավաքականների բոլոր անդամները։

Տղամարդկանց հավաքականի հետ չէր մարզվում ՕԽ կրկնակի փոխչեմպիոն, ԱԱ և ԵԱ կրկնակի չեմպիոն Սիմոն Մարտիրոսյանը, վերջինս չի ընդգրկվել այս առաջնությանը և չի մասնակցելու։

Տղամարդկանց հավաքականի գլխավոր մարզիչ ՀԱԿՈԲ ՓԻԼՈՍՅԱՆԸ նշեց, որ Սիմոնը պատրաստ չէ ԱԱ֊ին, այդ պատճառով էլ բաց է թողնելու առաջնությունը, հավաքականից չի հեռացվել, սակայն մարզումներին էլ չի մասնակցում։ Իսկ կանանց հավաքականից ԱԱ֊ին չի մասնակցի Աննա Ամրոյանը, զուտ վնասվածքի պատճառով։ Բաց մարզմանը ներկա էր նաև ֆեդերացիայի նախագահ Արայիկ Հարությունյանը։

Գլխավոր մարզիչ ՀԱԿՈԲ ՓԻԼՈՍՅԱՆԸ մեդալային ակնկալիքներով է մեկնում ԱԱ, կարևորությունը, սակայն վարկանշային միավորներն են։

«Մի քանի օրից կմեկնենք ԱԱ, որը վարկանշային է ՕԽ համար։ Շատ կարևոր է մեզ համար։ Տղաներ կան, որ պետք է պայքարեն մեդալների համար, մյուսները պետք է իրենց արդյունքները բարելավեն ու փորձեն վարկանշային միավորներ վաստակել։ Լավ մարզավիճակում են ծանրորդները։ Հուսով ենք, որ ավելի լավ արդյունքներ կունենանք այս առաջնությունում։

Մեր այն հարցին, թե ինչու Սիմոն Մարտիրոսյանը չի մասնակցելու ԱԱ֊ին, գլխավոր մարզիչը նշեց.

«Սիմոնը միշտ եղել է մեր հավաքականի ամենասիրված ու տաղանդավոր ծանրորդներից մեկը։ Երբ նա լավ մարզավիճակ ունենա, անմիջապես կարող է հավաքականում հայտնվել, նա ոչ հեռացված է հավաքականից, ոչ էլ որևէ խնդիր կա։

Գյումրեցի անվանի ծանրորդ ԳԱՐԻԿ ԿԱՐԱՊԵՏՅԱՆՆ էլ, մեզ հետ զրույցում նշեց, որ ամեն ինչ կանի, որպեսզի ոսկե մեդալով վերադառնա հայրենիք։

ՀՈՎՀԱՆՆԵՍ ՍԱՐԳՍՅԱՆ

Այս թեմայով Ըմբշամարտի ԱԱ. Նարեկ Հարությունյանն ու Հրայր Ալիխանյանը պարտվեցին մեկնարկում ԱԱ. Արսեն Հարությունյանը մեկնարկեց վստահ հաղթանակով՝ 10:0 Հայ բռնցքամարտիկները Թուրքիայից կվերադառնան երկու մեդալով «ԱՄԵՆԱԴԺՎԱՐԸ ՍՏԱՑՎԵՑ ՌՈՒՍ ՄՐՑԱԿՑԻ ՀԵՏ ՄԵՆԱՄԱՐՏԸ». ԲՌՆՑՔԱՄԱՐՏԻ ՄԵԾԱՀԱՍԱԿՆԵՐԻ ԵՎՐՈՊԱՅԻ ՈՒ ԱՇԽԱՐՀԻ ԲՐՈՆԶԵ ՄԵԴԱԼԱԿԻՐ ՌՈՒԴՈԼՖ ԳԱՐԲՈՅԱՆ Մարմնամարզիկ Համլետ Մանուկյանն աշխարհի չեմպիոն է