Վենսը հայտարարել է, որ Ուկրաինան չպետք է անդամակցի ՆԱՏՕ-ին

ԱՄՆ փոխնախագահ Ջեյ Դի Վենսը կարծում է, որ Ուկրաինան չպետք է դառնա ՆԱՏՕ-ի անդամ։ Այս մասին նա ասել է 2Way լրատվական հարթակին տված հարցազրույցում:

«Որքան ես գիտեմ՝ մենք Ուկրաինայի հետ ոչ մի պաշտոնական դաշինք չունենք։ Նրանք ՆԱՏՕ-ում չեն։ Ես չեմ կարծում, որ նրանք պետք է լինեն ՆԱՏՕ-ում», – ասել է Վենսը։

ԱՄՆ փոխնախագահի խոսքով՝ Ուկրաինան հրաշալի երկիր է՝ հիանալի մարդկանցով, և Վաշինգտոնն ու Կիևը միասին կաշխատեն որոշ հարցերի շուրջ, սակայն որոշ հարցերի շուրջ համակարծիք չեն լինի։

Վենսը նշել է, որ ԱՄՆ-ի և Ուկրաինայի շահերը ժամանակ առ ժամանակ տարբերվում են։ Նա այս համատեքստում հիշատակել է Կիևի կողմից ռուսական նավթավերամշակման գործարաններին հարվածները, որոնց հետևանքով «բարձրանում է էներգակիրների գինն ամերիկացիների համար»։

«Կարծում եմ՝ նրանք պետք է դադարեցնեն Ռուսաստանի էներգետիկ ենթակառուցվածքների ռմբակոծումը», – ընդգծել է ԱՄՆ փոխնախագահը։

Այս թեմայով Թրամփը հայտարարել է Պուտինի և Սի Ծինփինի հետ եռակողմ հանդիպում անցկացնելու մտադրության մասին ՆԱՏՕ-ն վերանայում է ՌԴ–ի հետ իր ռազմական ծրագրերը՝ կապված Եվրոպայից ամերիկյան զորքերի հնարավոր դուրսբերման հետ. Politico Ուկրաինան սպառել է իր Patriot ՀՕՊ համակարգերի հրթիռները. CNN «Այն միտքը, որ Ուկրաինան պետք է հաղթի, կեղծ դիլեմա է». ԱՄՆ ֆինանսների նախարար Հարգելի՛ ուսուցիչ, քո արժանապատվությունը մի՛ փոխանակիր ոչ մի ծաղկի, ոչ մի նվերի և ոչ մի հազար դրամի հետ