Թրամփը հայտնեց Պուտինի և Սի Ցզինպինի հետ եռակողմ հանդիպման ծրագրերի մասին

Թրամփը հանդես եկավ մի շարք սուր հայտարարություններով, որոնցից մեկը կարելի է դարակազմիկ համարել: Այն է՝ ԱՄՆ նախագահի խոսքով, կան Պուտինի և Սի Ցզինպինի հետ եռակողմ հանդիպման ծրագրեր։ Ավելի վաղ նման հանդիպման մասին ակնարկ եղավ նաեւ Կրեմլից:

Իսկ ահա ուկրաինական թեմայով Թրամփը հայտնեց, որ շարունակում է Ռուսաստանի հետ Ուկրաինայի հարցով բանակցությունները և չունի դադարեցնելու ծրագրեր։ Ուկրաինայում շոկային էր Թրամփի խոսքը, որ՝ «Անկեղծ ասած, Ռուսաստանը, ընդհանուր առմամբ, համարժեք է վարվել Ուկրաինայի հետ։ Նրանք որևէ հատուկ բան չեն արել»։

Ավելին, դա «հատկապես» Զելենսկին է, որ չի օգնում լուծել Ուկրաինայում հակամարտությունը։ «Ես չեմ կարծում, որ նա ցանկանում է ավարտել այս պատերազմը», - ասել է ԱՄՆ նախագահը՝ ավելացնելով. «Ժամանակն է, որ ինչ-որ մեկը բանակցի Ուկրաինայի անունից»։

Լրագրող դիտարկմանը, թե՝ Զելենսկին ասում է, որ այս իրավիճակում դուք պատմության սխալ կողմում եք, Թրամփն արձագանքեց. «Զելենսկին չգիտի, թե ինչի մասին է խոսում։ Սա այն մարդն է, որը պետք է վաղուց դադարեցներ այս պատերազմը։ Եթե նա լսեր ինձ, վաղուց շատ ավելի լավ գործարք կկնքեր, և նրա կողմում գտնվող միլիոնավոր մարդիկ ողջ կլինեին... Մենք շատ բան տվեցինք Ուկրաինային։ Նրանք մեզ ոչինչ չտվեցին։ Հիշե՛ք դա»։

Այս թեմայով Ինչու հանկարծ Միրզոյան Արարատը հիշեց հայ-ռուսական եղբայրության մասին Էրդողանը խոսել է տարածաշրջանում խորացող ճգնաժամերի և Թուրքիայի դեմ ճնշումների մասին Թրամփը հայտարարել է Պուտինի և Սի Ծինփինի հետ եռակողմ հանդիպում անցկացնելու մտադրության մասին Բանակցությունների կողմնակիցները պատրաստ են Իրանի հարստացված ուրանը փոխանակել Թրամփի ստորագրությամբ ևս մեկ անարժեք թղթի հետ. Իրանցի փորձագետ Ամուլսարի հանքը բազմաթիվ ռիսկեր ունի՝ կարող ենք կորցնել ոչ միայն Ջերմուկը, այլ նաեւ Սեւանը. Ահազանգում է իրավաբանը