Ալո՞, սուպեր մա․․․ էհ՝ չէ, Մարության

Օրեր շարունակ «Իրավունք»-ը փորձում էր կապ հաստատել «Նոր ուժ» կուսակցության նախագահ, Երեւանի նախկին քաղաքապետ ՀԱՅԿ ՄԱՐՈՒԹՅԱՆԻ հետ՝ մի շարք հարցերի պատասխաններ ստանալու համար։ Անշուշտ, նա զանգերին պատասխանում էր, բայց ամեն անգամ տարբեր պատճառաբանություններ ներկայացնելով՝ խուսափում անգամ հարցերը լսելուց: Բավական էր նրա համար լսել միայն «լրագրող» բառը:

«Կներեք, շատ զբաղված եմ»:
«Կներեք տեղս հարմար չէ»:
«Կներեք ահռելի մեծ ճանապարհի վրա մեքենա եմ վարում, խոսել չեմ կարող»:

Չգիտես ինչու, մշտապես զբաղված, ահռելի մեծ ճանապարհին մեքենա վարող դերասանը, փաստորեն, բավականին վատ խաղաց չնախատեսված դերը՝ մի քանի անգամ անհաջող «ալո-ալո» ասելով:

Վերջին հաշվով նախկին քաղաքապետ, գործող կուսակցության նախագահ, Մարությանը բոլորովի՞ն ոչինչ չունի ասելու քաղաքացիներին: Միթե՞ Մարությանին քաղաքացին պետք է տեսնի ընտրություններից ընտրություն: Արդյոք քաղաքային եւ քաղաքական դաշտում կատարվող ամեն բան Մարությանի համար, ինչպես նա է սիրում հաճախ ասել, «օք» է:

Ինչեւէ, Մարությանին, հավանաբար, կհանդիպենք հաջորդ ընտրություններին, իսկ մինչ այդ մարդը զբաղված է իր անձնական հարցերով: Մնում է մի հատ էլ հայտարարություն անի, թե խնդրում է՝ չանհանգստացնել մանր-մունր ներքաղաքական խնդիրներով:

ՆԱՆԱ ՍԱՐԳՍՅԱՆ

Այս թեմայով ՈՒՂԻՂ․ Արդյոք կլինեն Նիկոլի ասած ընտրությունները․ Հայկ Բաբուխանյան «Իրավունք». Հայկ Սարգսյանի պահվածքը սկսել է տարօրինակ թվալ ՈՒՂԻՂ․ Ի՞նչ ճանճ է կծել Նիկոլին․ Հայկ Բաբուխանյան «Ժողովուրդ». Հայկ Սարգսյանը երբ և ինչու պետք է «նստի» «Ժողովուրդ». Հայկ Սարգսյանն ինչ է ասել ՔՊ վարչության փակ նիստին