Բնապահպանական խնդիրները սահմաններ չեն ճանաչում. Տոկաևը՝ Երևանում

Ջրի սակավությունը, դրա հետ կապված մի շարք հարակից այլ խնդիրներ լուրջ մարտահրավերներ են առաջացնելու, և խախտվելու է հավասարակշռությունը բնության ու մարդկանց գործունեության և կյանքի միջև: Այդ մասին Կենսաբազմազանության հարցերով առաջնորդների գագաթնաժողովի լիագումար նիստի բացմանն ասաց Ղազախստանի նախագահ Կասիմ-Ժոմարտ Տոկաևը:

«Միլիոնավոր մարդկանց համար ջրի սակավությունը, հողերի դեգրադացումն արդեն դարձել են իրական խնդիր: Ամենադժվար հաղթահարելի հետևանքն այն է, որ տվյալ գործընթացը սահմաններ չի ճանաչում, թուլացնում է կայուն զարգացման հենքերը և սպառնում գլոբալ կայունությանը:

Բնապահպանական օրակարգերը՝ ճիշտ կայացվող որոշումներով, պրակտիկ լուծումները պետք է կարողանան գերակայել քաղաքական տարբերությունների նկատմամբ: Մեզ բոլորիս հարկավոր է միջազգային համագործակցություն, մենք պետք է իրապես բարեկամական, անկողմնակալ միջոցներով տանենք երկրները դեպի շոշափելի արդյունքներ:

Այսօր Ղազախստանը իրապես շատ հարուստ կենսաբազմազանությամբ կարողանում է բոլոր ջանքերը ներդնել բնությունը պահպանելու և կենսաբազմազանությունը հարստացնելու ուղղությամբ. սա մեր միջազգային հանձնառությունն ու պարտականությունն է, և այս հանձնառությունը շատ հստակ արձանագրված է մեր Սահմանադրության մեջ:

Առաջին անգամ պատմության ընթացքում Ղազախստանի Սահմանադրությունը ընդգծում է բնապահպանական մշակույթի խթանումը, որը մեր պետականության հիմնարար սկզբունքն է: Մեր քաղաքացիները պարտավոր են պահպանել բնությունը, ռեսուրսներին պատշաճ հոգատարությամբ վերաբերվել»,- ասաց նա:

Այս թեմայով Հայաստանի և Ադրբեջանի միջև խաղաղության գործընթացը նոր հեռանկարներ է ստեղծում Արևելքի և Արևմուտքի միջև կապերի համար. Տոկաև Այս պատմական տարեթիվը խորհրդանշում է հայ ժողովրդի անսասան կամքը. Կասիմ-Ժոմարտ Տոկաև Ո՞վ է թույլ տվել այս անհեթեթությունը․ ԶԱՐՄԱՆՔ Տոկաեւը դեմ է տղամարդկանց գրկախառնություններին ու համբույրներին. առաջարկում է նոր վարքականոն Տոկաևը ժամանել է Բրյուսել՝ ԵՄ բարձր ղեկավարության հետ բանակցությունների