Ինչու ապշած ես, Լուլո՛ւ․ ԶԱՐՄԱՆՔ

ՔՊ-ական պատգամավոր ԼՈՒՍԻՆԵ ԲԱԴԱԼՅԱՆԸ՝ նույն ինքը Լուլուն, սրտնեղած գրառում է կատարել սոցցանցում, որ ՌԴ-ում իր մուտքն արգելված է, ինչ պատճառով, ըստ նրա, հայտնի չէ։ «Նախատեսում էի մեկնել Սանկտ Պետերբուրգ՝ ԱՊՀ միջխորհրդարանական վեհաժողովի (ՄԽՎ) սոցիալական քաղաքականության եւ մարդու իրավունքների մշտական հանձնաժողովի հերթական նիստին մասնակցելու նպատակով…», - գրել է նա ու նշել, թե՝ «տարօրինակ եւ մտահոգիչ» իրավիճակ է։ Բայց, չգիտես ինչու, Բադալյանի համար բոլորովին տարօրինակ չէր, երբ արգելում էին ՌԴ Պետդումայի պատգամավոր Կոնստանտին Զատուլինի մուտքը Հայաստան, այն ժամանակ նրա անգամ ծպտունը չլսվեց։ «Մազալու բան է, հայերի բարեկամ Զատուլինը չի կարողանում Հայաստան գալ, հայերի թշնամի Լուսինեն Հայաստանից չի կարողանում դուրս գալ, լրիվ տակնուվրա է եղել իրականությունը», - Լուլույի գրառմանն ի պատասխան՝ հեգնել է ռեժիսոր Հովհաննես Իշխանյանը։ Ինչեւէ, ապշած պատգամավորին հիշեցնենք ՌԴ-ի հասցեին իր իսկ հայտարարությունները։ Նա ռուսական հեռուստաալիքների բովանդակությունն անվանել էր հակահայկական եւ սպառնալիք ՀՀ անվտանգությանը, իսկ ՌԴ-ի հայտարարություններում շանտաժի տարրեր էր տեսել։ Ավելին՝ վստահեցրել էր, որ գազի գնի հնարավոր բարձրացումից Հայաստանի քաղաքացիները շատ չեն տուժի։ Հիմա, երբ Լուլուին արգելել են մուտք գործել ՌԴ, պարզվում է՝ մտահոգվելու առիթ, այնուամենայնիվ, կա…

Իսկ Փաշինյանը, անդրադառնալով Հայաստանի եւ Ադրբեջանի փոխադարձ տարածքային պահանջներին, ընդգծել է, որ երկու երկրները պետք է հրաժարվեն դրանցից։ «Հայաստանն ու Ադրբեջանը իրար ոչ մի պահանջ չպետք է ներկայացնեն եւ հանգիստ թողնեն իրար բոլոր հարցերով, ներառյալ՝ Ղարաբաղ, Գարդման, Շիրվան, Նախիջեւան կամ Արեւմտյան Ադրբեջան տրամաբանությամբ», - ասել է նա։ Եվ առաջիններից մեկը, որը ոգեւորված կիսվել է այս հայտարարությամբ եւ գրել, որ սա է իրենց առաջարկը խաղաղության ամրապնդմանը միտված, ԱԺ Պաշտպանության եւ անվտանգության հարցերի հանձնաժողովի նախագահ ՎԻԼԵՆ ԳԱԲՐԻԵԼՅԱՆՆ է՝ նույն ինքը սոցցանցում հայտնի Նավակ Ճոճողը, որն ընդամենը մեկ տարի առաջ, որպես «Գարդման-Շիրվան-Նախիջեւան» համահայկական միության նախագահ, հայտարարում էր, թե լիարժեք լծվելու է միության աշխատանքները կազմակերպելուն։ Ինչպես ԶԼՄ-ներից մեկի հետ զրույցում նշում է այս միության համահիմնադիրներից «Ադրբեջանական ԽՍՀ-ից փախստականների համագումարի» համակարգող Մարիամ Ավագյանը․«Իրականում այդ միությունը չգործեց։ Շատ արագ, ինչպես ստեղծվեց, այդպես էլ «սատկեց»։ Ահա այսպիսի սկզբունքայնություն․ Վիլենը երեկ՝ «Գարդման-Շիրվան-Նախիջեւանի» պաշտպանն էր, այսօր՝ այդ անվան հիշատակումից հրաժարվելու քաղաքականության ջատագովը։

Ուշագրավ զարգացումներ է տեղի ունենում «Ադեկվատ» կուսակցության հիմնադիր ԱՐԹՈՒՐ ԴԱՆԻԵԼՅԱՆԻ դեմ հարուցված քրգործով։ Ըստ փաստաբան Տիգրան Աթանեսյանի՝ նա մեղադրվում է իր գրառումներով անձանց ստորացնելու մեջ։ «Քննիչի եւ դատախազի կազմած փաստաթղթերից հետեւում է, որ այդ «անձինք» Նիկոլ Փաշինյանն է: Ինձ՝ որպես Արթուրի պաշտպանի, մի հարց է տանջում` ինչպես են որոշել դատախազները եւ քննիչները, որ հենց Արթուրի գրառումն է ստորացուցիչ, այլ ոչ թե ժամանակին Առուշ Առուշանյանի (Գորիսի քաղաքապետ, - հեղինակ) խոսքերը, ում հետ հիմա Նիկոլը հանգիստ աշխատում է, ոչ էլ Իլհամ Ալիեւի խոսքերը, ում հիմա Նիկոլը պաշտում է: Քր․վարույթի նյութերում Նիկոլի հարցաքննությունը չկա, նա, ամեն դեպքում, ցուցմունքի տեսքով չի ասել, որ իրեն ստորացված է զգում Արթուրի գրառումներից…», - մանրամասնել է Աթանեսյանը։

ԶԱՐՄԱՑԱԾ Է «ԻՐԱՎՈՒՆՔ»-Ը

Այս թեմայով Արթուր Ալեքսանյանը ենթարկվել է ողնաշարի վիրահատության Եվրոպական երկրների ոչ մի առաջնորդ չի մասնակցում Երևանում անցկացվող COP-17-ին. Հակոբ Բադալյան Ինձ թույլ չտվեցին մուտք գործել ՌԴ․ Լուսինե Բադալյան Սերժ Սարգսյանի կառավարման տարիներին հասարակությունը բաժանված չէր «իմ ու քո» սկզբունքով․ Դանիելյան Պետք է, խոստովանեմ, որ իրականում իմ արարքի համար զղջացել եմ. Ի՞նչ նկատի ունի Դանիելյանը