«Հրապարակ». Ինչու են «Ուժեղները» հրաժարվել գաղտնիության «դոստուպից»

«Հրապարակ» թերթը գրում է. «Մեր տեղեկություններով, «Ուժեղ Հայաստան» խմբակցությունում քաղաքական որոշում է կայացվել՝ հրաժարվել գաղտնիության «դոստուպից»․ խոսքը պատգամավորների՝ պետական գաղտնի տեղեկություններին հասանելիություն ունենալու համար հատուկ փաստաթղթի տակ ստորագրելու մասին է։

Հատուկենտ մարդիկ են ստորագրել, որոնք կունենան այդ հասանելիությունը։ Խմբակցությունից չմանրամասնեցին՝ ասելով, որ աշխատանքային անհրաժեշտությունից ելնելով են նման որոշում կայացրել։ Սակայն, մեր տեղեկություններով, այդ որոշման պատճառն այն է, որ թիմը չհայտնվի իշխանության թիրախում, եւ գործ չսարքեն որեւէ մեկի գլխին՝ պետական գաղտնի ինֆորմացիայի արտահոսքի համար, ինչպես արեցին Արեգնազ Մանուկյանի եւ Անդրանիկ Թեւանյանի դեպքում։

Ասենք՝ Պաշտպանության եւ անվտանգության մշտական հանձնաժողովի անդամներից միայն Վաղինակ Վարդանովը «դոստուպ» ունի, որը նաեւ հանձնաժողովի փոխնախագահն է, իսկ այդ հանձնաժողովի անդամ են նաեւ Գառնիկ Դավթյանն ու Անուշ Միրզոյանը։

Սա նշանակում է, որ ֆրակցիայից հատուկենտ մարդիկ իրավունք կունենան մասնակցելու փակ-գաղտնի քննարկումներին, օրինակ՝ բյուջեի գաղտնի բաժինների քննարկումներին։

Առավել մանրամասն թերթի այսօրվա համարում

Տե´ս նաեւ https://t.me/iravunk/74112 

Այս թեմայով Ավելի ու ավելի դժվար է դառնում եվրոպացիներին բացատրել, թե ինչու պետք է աջակցեն Ուկրաինային. Կալլաս «Իրավունք». Ինչու են ընկել Էդիկ Մինասյանի հետևից Առանց Իրանի սկզբունքային դիրքորոշումը հաշվի առնելու՝ TRIP-ը կարող է վերածվել աշխարհաքաղաքական առճակատման լրացուցիչ աղբյուրի Ինչու էին Թեհրան եկել «Արաբական ՆԱՏՕ»–ի բոլոր` երեք անդամների ներկայացուցիչները Իրանի և Ռուսաստանի նախագահները կբանակցեն Մոսկվայում. Ինչու են այսքան հաճախակի հանդիպում